延禧攻略-min

延禧攻略 嘅真正問題:一班只係迷戀權鬥嘅人

我唔明點解 延禧攻略 會有一堆人睇,至少我喺德國呢個謀殺片主導一切嘅國家(係,你喺電視見Polizei多過食飯),我都對 延禧攻略 無興趣。當然,Stealing Job用果個年代同現代西方比,都係有啲意思。但 延禧攻略 最大問題係,東方人果種對權鬥迷戀,真係十分之難頂。

由大奧到 延禧攻略

東方人好鍾意睇後宮鬥爭劇,日本有《大奧》,德川幕府嘅後宮鬥爭拍完又拍,係《大奧明治篇》係有特別意思,因為講係明治維新,幕府崩潰後嘅後宮,呢個角度無人拍過,清室亡果陣啲後宮去咗邊,無人提過。呢個係東方人對權鬥嘅迷戀,儒家文化體系都有呢個問題,無論台、中、港、日、韓,全部都有呢啲後宮戲出現,偶爾為之無問題,但經常追呢啲劇,你就思想有啲問題。儒教吃人,又此一例。

當然,日本比香港、中國等地方健康係,日本成日拍時代劇、大河劇,有《大奧》呢種講後宮鬥爭,但唔會係主導,NHK嘅大河劇選材,我一直認為係一個要學習嘅標準,乜嘢歷史人物嘅故意至值得後世討論,喺中國睇乜嘢 延禧攻略 果陣,今年NHK嘅大河劇係《西鄉殿》,主角,正正係除咗坂本龍馬以外,我最尊敬嘅日本歷史人物西鄉隆盛,促成薩長同盟,為咗導正自己嘅弟子,不惜參與戊辰戰爭嘅一代神人,華人迷戀後宮鬥爭,日本人已經係重新討論西鄉隆盛,如果喺西方歷史上,可以與之比較就係我國二次大戰時首相邱吉爾。英、日都係討論大時代下嘅非常人物,而中國走去討論 延禧攻略 ,呢個文化問題,已經睇到中日再一次勝負已分,唔駛再講落去。英、日兩地人民縱有諸多問題,但總體思想水平,仍然比所謂中國者優勝,此為一例也。香港人係唔應該再喺呢啲垃圾電視劇度浪費時間,有長輩睇呢啲嘢,應該打爛部電視,唔好再買,等佢地自己解決娛樂問題。

我諗,有本書最後應該叫大家睇一睇,係柏楊寫嘅《皇后之死》,果啲中史膠唔駛又鬧柏楊唔係正史,所謂正史即係官訂歷史,往往更垃圾,你不如話《人民日報》報嘅至係真理,你睇完《皇后之死》,你根本唔會想再睇呢啲後宮鬥爭劇,你仲鍾意睇我會懷疑你仲有無人性。

發表迴響

你的電子郵件位址並不會被公開。 必要欄位標記為 *