非洲豬瘟-min

非洲豬瘟 會造成嘅糧食問題

中國為咗抗衡貿易戰,明知俄國豬有 非洲豬瘟 病毒都要入口,依家真係出咗事, 非洲豬瘟 向中國四面八方擴散,基本上摧毀咗中國嘅養豬業,其他國家固然要嚴防 非洲豬瘟 ,香港直頭應該禁止中國豬肉入口,但新問題係,農曆新年嘅豬肉供應查實夠唔夠嘅呢?

非洲豬瘟 引發嘅問題無得臨急抱佛腳

中國本來養豬嘅環境已經係又迫又唔乾淨,所以中國養豬業係會摧毀,呢個係憑常識都估到,問題係,中國咁多人食豬,無理由一夜改食雞,食羊,或食牛,咁可以點,中國取消美國豬肉入口關稅,幾乎係肯定,但由於呢次係中國養豬業全毀下嘅一鑊泡,大家諗吓中國嬰兒奶粉全毀,都搞到全世界嘅奶粉市場亂七八糟,到依家都收唔到科,咁如果養豬業搞出事,你覺得香港仲可以向美國買到足夠嘅豬肉,或者中國仲可以提供豬肉俾香港人整叉燒?呢個已經係變咗天方夜譚級數嘅事,根本唔會有乜嘢可能。所以作為貿易商人,要負責任做嘅事,就係提早搵定豬肉替代來源,特別要喺農曆新年前搞掂,否則堅會出事,呢個係一個不得不解決嘅民生問題,你唔理嘅話,個政府就會出事。

除咗確保美國豬肉供應,包括喺中國取消關稅前,已經攞定美國若干出口量,保證香港豬肉穩定供應,仲要向台灣請求入口冰鮮豬,以及向歐洲幾個豬肉大國,包括德國、英國、荷蘭等尋求出口豬肉,令成個豬肉市場,至少供應同價格上唔會太動盪,特別係乳豬呢家嘢,係一早就要諗點搞,如果拜神唔見乳豬或燒豬,我睇怕啲無知市民無怨言就勢係假嘅。

但有一點肯定係,喺可見將來,都唔會再有中國嘅新鮮豬肉供應,五豐行霸權可以順勢結束,因為無人有膽入口有 非洲豬瘟 嘅豬肉,而中國幾時可以重建豬肉產業,頗成疑問,如果燒味業堅持要即屠宰嘅豬,咁唔該喺香港重建養豬業,至少香港嘅豬隻供應可以提供燒味業嘅需要,呢件事係要規劃同傾,唔係石頭爆出嚟,特別新界原居民同地產商果種不負責任嘅貪心,係要盡早處理。而香港燒味業,都要諗吓冰鮮豬,或急凍豬點樣可以做到燒味,因為未必有咁多新鮮豬俾你燒。

4 thoughts on “非洲豬瘟 會造成嘅糧食問題

  1. 非洲豬瘟令我連想到白人殖民主義第一次進入北美洲時,把帶有天花病人用過的棉被贈送給印弟安人, 說成是善意的見面禮, 最後…..哈哈! 但今次是中共自己貼錢, 怪得誰?

發表迴響

你的電子郵件位址並不會被公開。 必要欄位標記為 *