泳總-黑過墨斗

泳總 黑勢力必須廉署介入

泳總 高層吳旭光嘅寶貝仔吳欣鍵喺亞運成績去到垃圾級,預賽都輸埋,被人鬧爆,跟住 泳總 呢班黑人物真好嘢,利用港隊歐鎧淳等人攞銀牌嘅光環,要佢地喺Facebook出聲明撐吳旭光同吳欣鍵,明知 泳總 黑過墨斗,點會鬧歐鎧淳,佢地都係人質嚟。依家我認為,搵人去廉署舉報 泳總 最實際。

泳總 狗頭公關公司攞出去斬

攞港隊銀牌光環過橋嘅屎橋,好大機會係啲狗頭公關公司諗出嚟,有啲個案,根本係無得救, 泳總 呢單係好例子,咁明顯嘅以權謀私,你搵邊個撐都係死嘅啫。所以果間狗頭公關,我真係覺得執咗佢吧,希望提出呢啲意見果條hihi唔係姓馮喇。

泳總 依家可以迫歐鎧淳咁出post,因為依家成個香港體育界根本係缺乏公眾監察同制衡,其實立法會議員係應該喺復會後入Q質疑呢件事,因為香港運動員係有收公帑資助,公眾有權利知道你班友喺度搞緊乜,好成績固然應該資助多啲,但如果有人以權謀私,亦都應該有權質疑,只不過,香港有幾多立法會議員有呢個心處理呢啲事,我十分之懷疑,依家香港啲議員係越嚟越唔似樣。其實質疑呢啲黐線問題,甚至公開發聲明質疑,只不過係議員fxxking job嘅一部分,但都係果句,香港政界有好多連fxxking job都唔做好嘅友仔,甚至自己都唔多似樣,又點會做好呢啲嘢至得㗎。

所以政客壓力外,既然呢單嘢有可能涉及有人喺公共機構以權謀私,應該舉報去廉署,當然去廉署未必有用,如果廉署因政治壓力唔查,咁真係廉署唔會發揮佢嘅作用,但如果廉署唔查,最終都係要向公眾交代,我屆時留名食花生。我真係想知,吳旭光可以把炮到乜嘢層次,可以黑到打橫嚟都得。如果曾蔭權公職人員行為失當都告得入,梁振英固然一定告得入,但我可以講,吳旭光以及泳總嘅人嘅行為都十分之有問題,其實應該係動用刑事調查,甚至有必要果陣作出刑事檢控,以昭公信。當然,依家香港 泳總 已經去到唔要面嘅地步,香港啲老屎忽食相可以難睇到乜地步,就係同中國果種程度,以後唔好講我爸係李剛,係講我老豆係吳旭光。

發表迴響

你的電子郵件位址並不會被公開。 必要欄位標記為 *