中聯辦-統監府-min-2

中聯辦 要由統監府變總督府?

我一向唔係研究日本嘅飲飲食食,所以我研究日本係研究歷史為主,我一早講 中聯辦 係統監府翻版,仲要盧思達條仆街抄咗唔認帳,縱使 中聯辦 點唔認都好,曾鈺成今日露出狐狸尾巴,佢主張修改《基本法》,令 中聯辦 喺香港政治有佢職能,即係想廢《基本法》22條嘅武功。

中聯辦 想做朝鮮總督府翻版

點解我話 中聯辦 係統監府,因為日本本來設置韓國統監府,就係為慢慢吞咗大韓帝國而設,如果大韓帝國只不過純粹外交上嘅保護國,都唔會有保安課、警務課,呢個同馬來亞聯邦成立前,英國喺各馬來屬邦所派駐嘅最高專員係無乜分別。但英國佬知道有啲嘢唔可以吞咗佢,所以馬來半島各蘇丹國係基本存在,只係部分蘇丹國割出土地予英國人(即係檳城州),喺馬來西亞成立果陣,都係各土邦恢復自主權,再各土邦元首協調輪流統治,所以馬來西亞嘅聯邦制十分之特殊,因為果啲蘇丹國本來係獨立國家。只不過,日本人就係無英國人果種玩政治手腕,安重根刺殺伊藤博文後,就成個大韓帝國吞咗佢,簡直係種下禍根。而依家曾鈺成好明顯係收到信息,有人已經等唔到五十年,所以要儘快喺《基本法》框架上俾中聯辦實際統治權,由統監府變總督府,林鄭月娥被架空,呢鋪林鄭月娥真係隨時變香港版嘅純宗皇帝翻版。(國賊未到佢,梁振英就係國賊呢個級別,仲要唔係李完用果隻,仲要係宋秉畯果隻,韓國人好多嘢唔好學,但佢地點對付啲賣國賊係要學吓,曾鈺成就今次確保列入國賊級別)。

依家曾鈺成好明顯變成港賊,佢講完呢個建議,佢本來已經做好嘢唔多,呢啲真係千年道行一朝喪,咁聰明,英文同數學咁好都無乜用,但政治頭腦完全係屁股指揮腦袋果隻,根本無得救。如果 中聯辦 真係可以實際統治香港,呢個係十分之明顯違反《中英聯合聲明》,呢份係國際條約嚟,走咗國際條約數係有責任,係張曉明、張德江呢啲人至以為走國際條約數係唔駛負任何實際責任,我依家留名食花生,想睇依家北京對呢個建議有乜反應,但依家好明顯北京係唔理實際形勢變化,踩住違約條紅線越嚟越近,好快就會有好戲睇㗎喇。

發表迴響

你的電子郵件位址並不會被公開。 必要欄位標記為 *