John McCain-min

John McCain 離世:一代受人敬重保守派嘅離去

美國共和黨參議員,越戰英雄 John McCain 喺宣布終止腦癌治療不久後離世,享年八十一歲。 John McCain 係少數同時得美國左右兩派敬重嘅保守派,無他嘅,保守派嘅價值應該係做人有底線,唔係阻住地球轉。

John McCain 堅持嘅價值

左膠成日有意無意將保守派,同民粹主義分子撈埋嚟講,其實保守主義同民粹主義並唔係一回事,民粹主義本質係一種政治投機,用極度Cheap嘅手法,販售一堆可以自相矛盾政策嚟攞到權力,呢個我叫民粹主義。保守主義唔係,其實現代保守主義係做人有底線,好似Obamacare,我都了解過係乜一回事,其實呢個左膠政策有唔少實際運行嘅問題,但 John McCain 唔係為咗搏啲唔想承擔公共醫療責任嘅有錢佬票無底線咁支持佢同黨嘅醫療改革政策,佢係以佢果個州嘅Medicaid根本唔夠為理由,寧願留Obamacare喺度,呢個就係做人有底線嘅所為,當然佢一貫反對中共嘅態度,就更加之唔駛講喇。

John McCain離去,對美國嘅保守派係一個損失,依家英美同樣係所謂右派政黨掌權,但共和黨同保守黨係越嚟越唔同,當然,一方面同英國保守黨嘅向左走有關,依家英國保守黨係似工黨多一啲,工黨似共產黨多啲,但另一方面,英國保守黨有部分人,其實都係反對不擇手段,借保守之名賣民粹狗肉嘅假保守主義,呢個亦係英國保守黨有可能因BREXIT分裂嘅原因,但美國係,有唔少國會議員我好敬重,就香港同台灣立場而言,但如果總體嚟講,佢地有時拉宗教票拉得太不擇手段,都有啲得人驚。而美國共和黨一無咗 John McCain ,就幾乎無晒可以有類似做人底線嘅保守主義者擔起大旗,呢個至係令人最擔心,有可能剩番啲保守主義者,都喺英國,同埋德國果度(無錯,德國,CDU其實係好中道嘅保守主義政黨嚟,反而CSU走走吓已經過咗火位)。

都係果句,依家啲人都係失晒控,黐晒線,我覺得依家世界剩番啲癲喪狂嘅人喺番度,真係黃子華嘅金句:唔黐線,唔正常。

發表迴響

你的電子郵件位址並不會被公開。 必要欄位標記為 *