山河燃ゆ-min

星期日休息: 董建華 會否累及香港人處身山河燃ゆ處境

USCC報告指 董建華 根本係共諜,大家睇到好過癮,只不過, 董建華 呢條友嘅統戰作為,以至中國共產黨其他統戰行動,本身係危及香港人喺西方國家嘅處境,最差嘅情況,好可能係NHK大河劇《山河燃ゆ》講果種情況,我之前都提過吓《山河燃ゆ》,因為南洋人正正係類似處境受害者。我依家有必要,再提醒大家一次。

董建華 點樣禍及香港人

《山河燃ゆ》係NHK歷史上,唯一以二次大戰為背景嘅大河劇,改編自山崎豊子小說《二つの祖国》,係山崎豊子描述二次大戰日本人處境三部力作之一(另兩部就係華人廣泛認識,講留華日本孤兒嘅《大地之子》,以講被俘到蘇聯西伯利亞戰俘處境嘅《不毛地帶》),講就係一個喺美國成長嘅日裔美國人,面對二次大戰,美國人拘留日裔美國人,喺效忠美國同日本之間嘅矛盾。點解我留意呢本書,因為日裔美國人處境,最接近就係後嚟嘅南洋華人,呢個亦係南洋華人喺國家認同上強烈抗拒血統主導嘅原因,由李光耀到我呢代,對中國嘅立場基本上都一致,就係不以語言及血統而效忠一個遠方而與己為敵嘅國家,其實呢個係受過慘痛教訓後就會自然產生嘅諗法。甚至新加坡選擇喺語言由切斷同中國嘅聯繫(只維持最表面果層),都係同日裔美國人呢方面幾乎相似。否則日裔美國人,唔會今時今日喺美軍受到重用。如果各位有興趣,甚至有一定日文能力,應該搵《山河燃ゆ》嚟睇睇,或者直頭睇山崎豊子嘅原著小說,我相信會有所啟發,亦可以了解到,點解日裔美國人,會成為今日美國主流嘅一部分。

依家 董建華 呢條友,我只能用極度仆街嚟形容呢個人,我唔只想佢暴斃,我覺得凌遲處死比較適合呢條友,呢條友濫用美國人同佢交情幫中共做嘢,而且大批香港有錢佬跟住佢一齊癲,呢個係會令美國人,甚至西方社會對香港人,至少香港有錢果批人起疑心,日後如果美國同中國交戰,加拿大同美國嘅香港人,遇到類似日裔美國人嘅遭遇,罪魁禍首非 董建華 莫屬,所以為咗保護香港人,我有必要公開嚴斥 董建華 ,呢個人以至有參與中美交流基金會果啲人嘅後代,如果佢地有西方國家護照,係應該立即交番出嚟。

有啲人或者奇怪,點解德裔美國人,無日裔美國人嘅問題,呢個原因好簡單,好多二次大戰移民美國嘅德國人,係猶太難民,或者因反對納粹而移嚟嘅人,我諗同香港有堆做太空人嘅中產,或者大中華膠唔同。唔係話德裔美國人無受過不公正對待,但德裔美國人好多喺企喺反德前線,包括艾森豪威爾、尼米茲、Carl Spaatz等等。唯一有幸係,有唔少BNO選擇加入英國陸軍,包括御林軍,呢個將會為香港人嘅處境提供另一種嘅背書,至少呢啲人一旦發生戰爭,將會為西方國家喺中國戰場作出重大貢獻,我會繼續鼓勵BNO參軍,包括英國、法國外籍兵團(但法國外籍兵團勁harsh,不過如果你只能持特區護照又想代表西方國家同中國一戰,呢個有可能係唯一可行渠道嚟,因為法國外籍兵團不問你原本國籍,只不過,都係果句,要有無命嘅覺悟,唔好話我唔提醒閣下),或美軍,理由十分之簡單,呢個證明香港人係同西方社會並肩而戰,越多人燃起對捍衛民主自由嘅熱情,就越保障追求自由嘅香港人。大中華膠呢樣嘢,喺我眼中簡直累人累物,我都係果句,你咁鍾意用血統決定效忠,你自己同自己嘅後代咪去西方讀書,咪攞西方國家護照,呢啲簡直係黐線所為。

當然,呢種思考,健吾係永遠寫唔到,我自己認識日裔美國人,即係《山河燃ゆ》所描述果批人嘅後代,一個只係當日本係一個飲飲食食地方嘅人,同當日本係自己一面鏡嘅人,思考係兩回事嚟(我依家根本住喺一個日僑多過英僑嘅城市),呢個亦係我成日會攞大河劇嚟討論嘅原因,所以我唔明點解有content farm可以claim自己有深度文化討論日本,我想問當中深度喺邊度嚟,石頭爆出嚟?如果唔想自己嘅處境有問題,一係學當時日裔美國人咁從軍,一係學美國之音日文組前主管フランク・正三・馬場,亦即係日本公共廣播之父,佢係以日裔美國人身份,用VOA模式改革NHK,雖然NHK變咗無跟BBC模式嘅德國ARD、ZDF咁高度獨立,但佢始終代表咗,日裔美國人都可以喺文化價值觀代表美國同西方。

One thought on “星期日休息: 董建華 會否累及香港人處身山河燃ゆ處境

發表迴響

你的電子郵件位址並不會被公開。 必要欄位標記為 *