東方海外-支爆-min

東方海外 減船與支爆

董建華乞人憎,大家都知,我相信依家中國一定好後悔用錢收購 東方海外 ,因為喺支爆同貿易戰之下,中遠用大量嘅錢收購 東方海外 ,可能只係變得一個桔,點解我咁講,當中國無咁多航運需求果陣,收購 東方海外 確係一個愚蠢嘅決定。

東方海外 玩到減船

喺2018年8月14日, 東方海外 發出公告,指中國國慶日後嘅預期低需求,所以中遠、 東方海外同達飛聯合cut船,最奇怪係cut十月嘅西行船,同十一月嘅東行船。十月嘅西行船,係中國貨物趕及去西歐聖誕補貨最後一船,而十一月嘅東行船,係代表中國喺農曆新年前後嘅貨物需求,無論食物定一啲民生貨物,當兩者都cut,大家都估到係最災難嘅狀況,就係歐洲對中國貨物需求極之疲弱,而中國經濟對歐洲貨物嘅需求亦好疲弱,咁大家諗吓,如果中國連歐洲市場都搞成咁,學人打貿易戰喎,真係依家侵侵想點玩就點玩,我都相信喺中秋以至中國國慶日後,中國各地嘅工人都唔知仲有無嘢做,因為中國根本係無一個內需市場,成熟嘅內需市場係要國民對自己嘅貨品有信心,以及國民嘅普遍經濟水平都去到中產水準至得,但依家中國根本唔存在呢個咁嘅內需市場。

當 東方海外 都玩到減船果陣,中遠其實收購 東方海外 嚟做乜,可能唯一有啲戰略價值係高雄港,但台灣政府如果肯下決心,以國家安全為理由禁止已經被中遠全面收購嘅 東方海外 營運高雄港,其實中遠只係收購咗個殻返嚟,同樣道理,依家美國USCC已經點名要丙董建華,董建華喺美國嘅人際網絡應該近乎散晒,或者侵侵唔理佢嘅地步, 東方海外 喺美國東岸長灘嘅港口,如果美國佬堅做嘢,都可以搞到 東方海外 好濕滯,仲要依家根本需求唔夠,所以我相信依家支爆都應該係比想像中嚴重。如果長灘同高雄港都有人做嘢, 東方海外 係連用台灣、新加坡、越南等地上船貨物吊鹽水嘅算盤都會打唔響。

當然,我相信董建華成個政治王朝都命不久矣,晏啲分析USCC嘅最新報告,但我呢度可以預告,如果你有美國生意,人大政協呢啲位最好唔好掂,遲早會出事影響你盤生意。

One thought on “東方海外 減船與支爆

發表迴響

你的電子郵件位址並不會被公開。 必要欄位標記為 *