香港民族黨-min

民族黨 事件:港府無人知點收科

民族黨 事件搞到今時今日,似乎政府都唔知點收科, 民族黨 向保安局局長申請將申述時間延長到九月十一日,保安局局長居然又答應。好似係按本子辦事咁,其實係事到如今,政府進退兩難,除咗丁蟹思維嘅梁振英及其走狗,個個都被玩殘。

民族黨 事件變咗膠事

民族黨 事件本來梁振英班友算盤係,香港閂門打狗,點做都得,但依家現實係,FCC事件後, 民族黨 無錯係nobody,但咁玩落去,西方國家會真係take action,特別成為BNO平權底線,林鄭月娥相信比好多香港官員都清楚, 民族黨 事件嘅結果,所以至叫湯家驊等釋放退兵訊號,甚至連譚惠珠都話要退兵。因為玩落去就變核爆,好多土共同港府高層,甚至中共高層都玩唔起呢家嘢,喺貿易戰之下尤其係。

只不過,梁振英似乎無任何跡象要收手,依家梁振英仲同FCC罵戰,如果港府唔對付 民族黨 ,隨時變成 民族黨 喺廿三條框架下都就地合法,咁就會十分之大件事,成班土共暴走都似,北京嘅極左派系,亦會乘機用嚟對付林鄭月娥,甚至習近平本人,所以保安局局長宣布 民族黨 唔係違反公安條例,呢個決定無人有呢個膽量去做,依家 民族黨 事件變成咗一樣政治僵局,由今日到9月11日都未必有人可以俾到答案,甚至保安局局長收到份申述後都唔知點處理好,因為依家件事根本同 民族黨 申述內容無關,依家變咗一場政治角力,而且係一場無理性可言,純粹係邊個權力夠大嘅角力,無人知道可以點收科,喺唔知點收科嘅情況下,唯有係拖,隨時係保安局局長放水提示,俾 民族黨 一拖再拖。

要解決 民族黨 事件呢個大頭佛,如果我可以提供嘅橋係解決梁振英,以及其邪惡集團,如果有人果斷叫廉署就UGL事件拘捕梁振英,佢身邊啲豬朋狗友立即樹倒猢猻散,如果唔方便叫廉署做,可以提供資料俾英國或其他國家執法機關,甚至俾料林卓廷,總之呢個僵局嘅解決關鍵係梁振英,依家梁振英根本係失控,如果我係北京,都應該果斷解決呢啲完全黐咗線嘅自走炮,只不過,香港親共陣營有呢個吉士,香港一早唔會搞成依家咁。

One thought on “民族黨 事件:港府無人知點收科

發表迴響

你的電子郵件位址並不會被公開。 必要欄位標記為 *