澳洲首相-寶座-min

澳洲首相 車輪轉:幾時拍澳洲版 House of Cards

澳洲首相 換人,可能其實係全世界最花生嘅政權輪替方式之一,黨裡面有人見個勢唔妥,搵夠國會議員做petition,然後一嘢秘密投票就換人,話換就換,政變當食飯,依家自由黨政府兩鑊政變,上任工黨仲勁,陸克文被人隊冧完仲可以復仇攞番,真係黨內互打免費。

澳洲首相 咁轉法啱拍House of Cards

雖然英國人拍House of Cards果陣,除咗某程度上反映保守黨過往嘅內鬥外(無錯, House of Cards作者保守黨出身,戴卓爾時代後期鬥得幾勁至得),但都係英國莎士比亞戲劇裡面果啲英格蘭暴君嘅權謀詭計,以及醜惡人性情節嘅承傳,英國真係唔會黨裡面啲國會議員,咁鍾意密謀搞不流血政變隊冧個首相咁鬼恐怖(唔好講為咗保住自己個位,走去搵律政部門研究有無可能DQ咗個對手佢,呢部分我覺得簡直黐線到震),但澳洲係你隊完我,我隊完你報復又得,唔理自己民望低,求做過吓首相,上咗位先講又得,密謀搞Challenge嘅情節,簡直係拍得House of Cards嘅級數,所以我唔明點解澳洲人唔將自己啲政界運作拍成電視劇,現實都花生成咁,成個英聯邦都難免討論澳洲佬嘅互隊行為,如果拍成電視劇,一定可以挑戰House of Cards,甚至拍十幾個Seasons都無問題, 澳洲首相 車輪轉,過去十年都玩咗好多鋪,大把有得你寫。

當然,澳洲政界見民調勢色唔妥,仲會政變爭位係好事嚟,你同英國比就明,至少啲人係勇於負責,都係有番澳洲人果種勇武精神,你睇英國,依家BREXIT玩出膠,英國啲政客似乜,你睇Boris Johnson、你睇Rees-Mogg,呢啲乜人嚟?玩小動作就識,你叫佢真係挑戰May姐嘅相位,個個都無吉士,而工黨果件,簡直係廢柴中嘅極品,自己反猶又唔認果啲仆街嚟,所以我作為英國人,甚至一位保守黨員,我寧願有呢啲內鬥嘅存在,順便定期清理膠人,好似依家英國,已經變成膠力聚集,真係留名睇no-deal BREXIT 脫歐脫到智商同常理都脫X埋。

圖片授權:Wikipedia English Version – Peter Ellis – CC 3.0

發表迴響

你的電子郵件位址並不會被公開。 必要欄位標記為 *