brexit

BREXIT no-deal應該係災難收場

英國政府公布咗一旦 BREXIT no-deal收場嘅文件,雖然英國政府成日話唔會no-deal,但我無咁樂觀,因為成個 BREXIT 過程都係膠到無朋友。而呢份所謂 BREXIT no-deal文件,係描繪得情況太簡單。我唔會喺度討論EU Citizen in UK或UK National in EU會點,果啲大家睇收費版。但 BREXIT no-deal喺經貿嚟講,係不折不如災難,喺歐洲做過trade就明。

BREXIT no-deal 報關亂晒龍

一般嚟講,如果你間公司只係做Inter-EU嘅業務,其實只需要係一個EU VAT ID,係無需要做EORI,因為EU國家間貨物係自由往來,成架車運過去另一個成員國都只係簡單報關,同件貨Exit and Entry EU又要EORI,又要Single Administrative Document,做過你就知,你連account都未開,保證煩到XYZ你老母,仲要係UK一夜之間Non-EU,要喺EU果啲分公司一夜間搞番晒啲EORI, 報關系統果啲嘢,你真係想斬人都搞唔掂。呢啲已經係我有限經驗,有限所知嘅嘢。都未計一夜之間,UK VAT ID嘅地位果啲問題。當成堆EU公司一夜間要用Non-EU身份trade果陣,關口唔亂過亂世佳人就奇。

對於香港嚟講,更大問題係,好多香港公司係貪方便,佢地嘅EU代表公司係設喺英國,而依家我見絕少香港人同香港公司有設代表處喺荷蘭或德國,以便一旦英國脫歐脫出事果陣有應變,依家我真係食花生,呢堆香港公司喺歐洲嘅業務,將會亂成乜嘢樣,因為依家已經唔會有足夠時間,俾呢啲香港公司喺歐陸開代表處,喺歐陸開公司至少要半年,仲要有條友長期坐喺歐陸應付各類文件,香港人完全無呢個準備同訓練。

所以英國最好停咗 BREXIT 佢,呢場鬧劇累人累物,而且亦唔好咁老定, BREXIT no-deal 後EU公民可以留喺英國,歐洲人普遍想英國人留低,但英國人對歐洲人好有敵意,否則唔會有一班 BREXIT 亂咁舞。我覺得依家至係好戲嘅序幕。

One thought on “BREXIT no-deal應該係災難收場

發表迴響

你的電子郵件位址並不會被公開。 必要欄位標記為 *