Facebook-1-min

Facebook 濫用Spam嚟做政治審查

Facebook 終於停咗對支持民主果啲page同網頁嘅traffic suppression,總之你唔係受中國嘅鬼機影響,你嘅Traffic應該慢慢正常。只不過,你以為 Facebook 停咗亂嚟,朋友,你真係太天真,近日有好多人share傳媒嘅link,都被指係Spam被移除,甚至無任何警告下移除。令人十分之懷疑,依家 Facebook 班友究竟想點。

Facebook 喺度同中共暗通款曲

Facebook 過往嘅做法,其實係玩死自己,因為啲人發現喺News Feed落廣告都draw唔到traffic果陣,結果咪 Facebook 廣告收入大減,同股東交代唔到,所以對Media嘅 News Feed Suppression 係一定要結束,但依家Zuckerberg 仍然認為投共可以入到最大嘅中國市場,所以咪要出新招,而呢項大中華地區至有嘅新招,就係話你係Spam,然後將你個post消失。喺西方國家,就搞公關行動宣傳 Facebook 點刪除假用戶,但喺大中華地區,果啲五毛或者無名page,咪繼續可以落廣告甚至亂出文。

依家 Facebook 濫用Spam嚟做政治審查,由於好多時,Social Media或SEO行動,都係講關鍵幾個鐘嘅行動,所以佢用Spam remove你個post,就算幾個鐘後恢復,一切都救唔番,甚至我懷疑, Facebook 有可能收錢去幫啲客戶移除一啲唔鍾意嘅post,特別 Facebook 所謂嘅Community Standards執法根本毫無標準可言,其實所謂嘅Community Standards都只不過係個別人士亂嚟嘅擋箭牌。

Facebook 喺遠東區嘅公司,欠公眾一個明確交代,當然唔好指望香港政府,我啲被remove嘅post突然復活,都係因為我大大聲鬧人,佢地唔想我最終嘈到去歐盟,特別 Facebook 同我嘅談判係仲未完成,有個別五毛嘅資料係有待交出嚟,都係果句, Facebook 一日唔放棄所謂進軍中國大計,都要打醒十二分精神。

One thought on “Facebook 濫用Spam嚟做政治審查

發表迴響

你的電子郵件位址並不會被公開。 必要欄位標記為 *