炒燶月餅-min

炒燶月餅 ?支爆走去炒月餅果個人係抵死

炒月餅唔係新聞, 炒燶月餅 最近係新聞,有批人啲中秋月餅券,特別係美心流心月餅券賣唔出,唔知點算,我懷疑中秋節出現大量廉價月餅,甚至如果最後大家食流心月餅食到不勝負荷,我都唔會感到奇怪。明知支爆仲走去炒月餅, 炒燶月餅 係抵死。

炒燶月餅 與支爆

美心流心月餅被人狂炒,其實係同中國市場有關,因為中國人根本唔信中國嘅黑心食物,所以嚟香港搶購美心月餅,特別美心嘅商標唔似榮華咁被人搶註,就更加穩陣可靠,炒果陣其實啲人無預計貿易戰咁大鑊,而且只要人民幣匯價維持高水平,香港嘢就係抵食,呢個係美心流心月餅被狂炒到一個唔合理水平嘅背景嚟,香港好多月餅都被人狂炒,唔正常需求嘅來源,其實都係中國,如果無咗中國因素,月餅就炒唔起。

依家中國喺貿易戰下開始百業蕭條,跟住人民幣匯價托完幾日又跌過,走資走唔完,中國啲資產都唔知有乜基本因素可以托得住,更何況月餅,所以 炒燶月餅 係正常,走去炒月餅果個係傻嘅,明知貿易戰同貨幣戰之下都學人炒月餅,好彩餅咭係有限錢,唔係投機性質嘅資產,否則真係跳海都唔掂。

但由呢度,大家可以預視到未來香港資產市場將會係點, 炒燶月餅 同炒燶香港資產係同一樣嘢,到依家嚟講,中國人喺海外搶購嘅嘢,剩番一樣都依家仍然周街缺貨,果樣嘢係奶粉,德國市中心啲中國繼續搶貨搶到全德國想丙人,所以我亦唔會向中國、澳門兩地人士銷售奶粉,亦無任何將奶粉上架嘅計劃(我亦都計唔掂運費,除非有人大批採購,否則我唔知點計數,但如果特殊俾腸胃問題或敏感嘅奶粉,我係可以特別開賣,因為中國人唔搶呢啲奶粉)。我都可以見到,香港樓市同投機資產嘅情況,隨時同依家條街啲餅咭一樣,炒餅咭你可以食咗佢,但啲磚頭同股票,我斷估你都唔會全部食晒佢,老實講,餐餐食流心月餅,唔糖尿病都心臟病喇,更何況啲樓同投機資產,如果借錢買返嚟,一旦加息仲傷多兩錢重。

所以 炒燶月餅 係一個警告,支爆緊果陣,走去炒月餅係傻仔,走去亂咁炒香港資產都係賭命行為,出咗事無人可憐你。

發表迴響

你的電子郵件位址並不會被公開。 必要欄位標記為 *