American Airlines-支爆-min

American Airlines 停芝加哥上海航線:支爆另一後遺症

American Airlines 突然宣布停芝加哥上海之間航線,其實聽落無乜理由,因為理論上,呢條航線有大量中國留學生嘅客,而且,中國出口去美國嘅貨,到美國運返中國嘅海淘貨,都夠賺有餘, American Airlines 無理由停條線。但實情,好明顯另一回事。

American Airlines 知道條線無前景可言

先講機肚啲貨,基本上,喺侵咁搞貿易戰後,機肚應該好多loading無咗,無論係去中國,定去美國,所以我相信,會越嚟越多中國同美國之間貨運航線會減少班次甚至結束,因為根本無貨到,就算機肚載貨,都會少咗好多loading,基本上,如果齋做遊客,已經係十分之難做,橫越太平洋航線嚟講,用機肚載貨賺錢係十分之重要。

跟住講客,依家中國咁樣防止官員外逃同走資,相信中國去美國遊客會大減,另一方面,中國同美國關係越嚟越緊張嘅話,中國留學生有可能大規模被遣送離境,如果係咁嘅話,唔好話芝加哥同上海航線,美國好多城市同中國之間航線都根本無得做,所以我相信,American Airlines停上海芝加哥線,以及夏威夷航空停檀香山至中國航線只不過係第一步,其他航線有可能陸續有嚟,除咗華府來往香港,以及北京航線,因政治理由,都係必須留落嚟,蝕錢都要做,但實際原因係中美講數,官員之間講數都要飛嚟飛去㗎,呢啲線係越少轉機越好嘅。

當中美航線大減果陣,其實係支爆另一後遺症,因為代表中國出口去美國大減,當然,代唔代表歐中之間航線會唔會大增,又唔會囉,因為唔只中美之間嘅商貿會縮,歐中之間都會縮,除咗土耳其同中國之間嘅航運會有一段時間迴光反照,但都唔會維持得耐,因為土中兩國,其實係同病相憐,大家都係泥菩薩過江,自身難保果啲情況嚟。

作為一個商人,我日日都留意啲飛機嘅變動,特別貨運線,但好可能係,連香港機場嘅貨運量都可能會有問題,當然唯一好處係,香港郵政啲艙位,唔會再被啲中國人大量霸用,香港人終於可以享受番正常一啲嘅空郵服務。

圖片來源:https://www.flickr.com/photos/medau/13307685425/,CC 2.0授權。

One thought on “American Airlines 停芝加哥上海航線:支爆另一後遺症

發表迴響

你的電子郵件位址並不會被公開。 必要欄位標記為 *