黃雀行動-Operation Yellow Bird-min

德國再討論 黃雀行動

對支聯會諸公嚟講,可能每年討論六四係六四前後一兩個月,但德國突然喺八月討論六四,就十分之有趣,仲要係香港人負責嘅 黃雀行動 。德國電視二台ZDF旗下ZDFinfo,喺8月23日夜晚,播完解釋習近平獨裁體制,以及用咗幾分鐘解釋中國歷史,以及香港點解做咗英國領土嘅紀錄片,就播 黃雀行動 。

黃雀行動 與東方西柏林

大家都知道,德國越嚟越加緊喺香港嘅心戰工作,不單德國駐港總領事館重新喺Facebook抽水,歌德學院直頭推廣青少年德語班,我相信德國無迫切性要喺香港推廣德語,除非有可能預見,香港有可能大量難民湧入德國境內,呢個就又作別論。但另一方面,德國嘅輿論都需要俾德國公眾知道,一旦有大量香港人抵達果陣,究竟係乜事出現。而2016年由法國人拍嘅紀錄片,正好攞嚟話俾德國人聽乜事,簡單嚟講,香港係東方西柏林, 黃雀行動 做嘅事,其實就係當年西柏林民眾協助東柏林民眾逃亡一樣嘅事, ZDFinfo 喺德國係有人睇,唔係個個都想罪案片。

德國係一個歷史感好強嘅民族,依家CSU嘅難民政策,或AfD喺德國西部好容易被人圍到傻(柏林可以call五倍嘅人去反示威),因為德國人對當年納粹黨搞出大量難民嘅罪咎感,唔該鬧德國人左膠前,睇咗人地嘅歷史先,德國唔興玩失憶。無可否認,敘利亞呢班無共同文化淵源嘅人,德國有一定程度嘅人無代入感,但如果重新提番 黃雀行動 嘅記憶,情況係好好多,甚至同德國人講一旦西柏林變成DDR控制嘅情況,德國人一聽就明。都係果句,要改變政策,係要事前嘅公眾教育,以及海外心戰同時配合,你估英國人玩BREXIT,到依家都未知可以點樣收科,甚至應該係收唔到科收場。

Wind of Change已經出現,只不過有啲五毛以為可以呃到全世界。而且,歐盟都知道,依家英國搞出兩大劑蘇州屎出嚟,一劑叫BREXIT,一劑叫香港,一旦大量香港難民湧到全世界,呢個問題西方社會無得唔理,因為呢班友好多本來係西方國家國民,或應該有權持西方國家護照。而西方,亦需要一個切入點,去重返遠東。

喺德國嘅讀者,可以去 https://www.zdf.de/dokumentation/zdfinfo-doku/0peration-yellow-bird-102.html 睇番

發表迴響

你的電子郵件位址並不會被公開。 必要欄位標記為 *