劉校長想死就去拆咗烽火台佢

今天睇《蘋果日報》至知,中大校方竟然打算拆烽火台。

作為法定校友組織常委,在校園美化上確實被諮詢過,但似乎校方無好專門咁問問大家,烽火台的前途。我絕對認為,校方喺呢件事,係完全未經諮詢。

如果校方認為保留烽火台有財政困難,校友籌款保留烽火台係無問題,但一定唔拆得,因為烽火台係代表的歷史同傳統,特別好多人的畢業照在烽火台影,同埋幾多歷史事件喺果度發生。如果校方拆烽火台,我敢擔保成棚校友、學生加保育人士衝入中大,到時真係勁過保衛天星、保衛皇后之役。

恕我陰謀論講句,呢位小器到爆的劉遵義,係咪因為中大學生報情色版一役輸到甩褲,兼且被人追佢九條街,心生一計就搵烽火台洩憤。佢唔記得咗,依家正係傾續約的時間,睇嚟都唔駛旨意校友支持同呢條膠人續約。鑊鑊新鮮鑊鑊甘,成日諗埋晒啲屎橋,搞到成棚人圍攻佢仲自以為好醒,仲做乜校長,退休吧喇。

4 thoughts on “劉校長想死就去拆咗烽火台佢

發表迴響

你的電子郵件位址並不會被公開。 必要欄位標記為 *