樓市下跌-支爆-min

樓市下跌 :唔係調整,係支爆後遺症

黃埔花園有個單位跌咗百分之十,有人話係劈價,如果話係劈價仲有一段距離。我亦唔係湯文亮,係又話樓市大跌,唔係又話大跌,只不過香港多地樓盤出現跌百分之五至十嘅現象,仲要依家未加息,跟係有唔妥,應該咁講,走資開始緊。

樓市下跌 嘅真成因

要分析果啲盤係唔係支爆引爆嘅 樓市下跌 結果,唔易搵到直接證據,因為有唔少樓係由有限公司持有,最仆街係果啲BVI又BVI又香港有限公司嘅層層疊架構,都未計有限公司股權轉讓造成嘅交易。但大家諗吓一樣,依家除咗中美貿易戰外,未有明顯經濟衝擊外,港幣嘅弱方兌換保證不斷衝擊,人民幣又不斷喺離岸被人沽,其實就係反映支爆同走資發生緊,有人沽緊樓去將資金匯去西方國家,呢個就係現狀,否則點會有樓市下跌嘅現象,即係之前係中國人買多沽少嘅現象,依家喺一個turning point開始逆轉,梁振英仲要打香港郊野公園主意,想滿足啲人嘅走資要求咩,習近平係好應該搵人查吓梁振英同佢個黑集團玩緊啲乜人至得。

我相信呢個月都未到樓市急跌,都係果句,領導未走,樓市仲要挺住去俾領導人嘅資金離開,但一旦領導人資金撤退完成,或者中美貿易戰升級,甚至去到台海劍拔弩張嘅情況,情況就好唔同,就真係會負資產,屆時香港銀行系統就會出現總體崩潰,所以大家睇到李國章,突然間將佢持有太古城樓盤改晒持有業主,大家依家明發生緊乜事,依家香港權貴階層係知道乜事,搞緊有秩序撤退,但小市民接火棒隨時係大件事收場,仲要依家中國局勢明顯係惡化跡象。所以湯文亮將啲嘢講早咗,但如果講支爆,其實依家係發生緊,只不過依家係慢爆,只不過,一旦人民幣失守,係明顯會係另一回事。

樓市下跌 但未大跌,可以考慮撤退時間唔多,如果你層面帳目有賺兼且準備撤退香港,就可以考慮賣樓,因為賣樓係要時間,最怕係一兩個月內,因加息,或其他原因,樓市突然暴斃,屆時搵邊個同你買,好可能結果係有人踢契,唔買算數。當然你唔打算撤退嘅,供滿晒又自住,就無必要咁急喇,呢個視乎你對未來局勢嘅賭注。

發表迴響

你的電子郵件位址並不會被公開。 必要欄位標記為 *