BNO-續期

借 BNO 副署賺錢嘅人膠夠未?

近日有讀者,唔只一個同我講,有人繼續攞 BNO 副署嚟賺錢,對我呢個英國人嚟講,我睇到係匪夷所思,我唔明點解有啲人係明知自己犯緊法,都好似覺得無問題一樣。攞 BNO 副署唔係真係咁難,但如果你俾人錢幫你副署 BNO ,就隨時自己都出事。

BNO 副署係要真誠準確

https://www.gov.uk/countersigning-passport-applications/accepted-occupations-for-countersignatories

其實英國政府嘅website,詳列好多人都可以副署 BNO ,包括英聯邦國籍或美籍人士,只不過英聯邦國籍或美籍,要麻煩你朋友將成本護照彩色影印俾英國咁解。要求其實十分鬆,郵差係可以副署,跟住有限公司董事係可以副署,救世軍成員都可以副署,甚至你個保險經紀,如果佢持有效 BNO 都可以副署(當然你要識佢兩年,同埋如果你要佢副署,佢sell你保險,咁你自己諗想唔想被人煩)。但係磅水俾一個識唔夠兩年嘅副署,就一定係違法,個website已經講得好清楚

It’s a criminal offence to make a false declaration on a passport application.

有啲事,我唔想重覆又重覆講落去,但照依家Home Office政策嚟睇,呢種收錢副署 BNO 嘅行為,簡單嚟講,係一種Immirgation Crime,係可以拉人封艇有突,所以我要再喺度警告多一次,唔好俾錢任何人副署 BNO ,搵人副署 BNO 係一定要你識咗兩年嘅人,但你係可以搵你同事,或者識咗兩年嘅區議員副署,泛民有區議員好樂意免費,同你副署 BNO ,都係果句,我寧願你搵你嘅泛民議員好過,總好過因為俾錢惹上無謂官非,特別果啲膠人可以揚到喺Facebook周圍推銷呢種服務,簡直係黐線到無朋友,Facebook係公眾地方,任何人見到向內政部舉報都只不過係盡番公民責任咁解,呢個世界真係有啲人可以以為喺歐洲國家啲政府都係傻。

2 thoughts on “借 BNO 副署賺錢嘅人膠夠未?

  1. 你好!我現時續領緊BNO,我想問邊一位區議員可以幫手副簽,因為本人實在無朋友或相熟人士符合副簽資格。謝謝你!

發表迴響

你的電子郵件位址並不會被公開。 必要欄位標記為 *