AutoTrac-min

幾時先肯停用 AutoTrac 3

AutoTrac 3 已經去到沒有最硬膠,只有更硬膠嘅地步,呢個月曾經發生過事故,個主系統要reset,交俾後備系統,啲空管人員,係睇住ADS-B數據輔助,即係大家喺Flightradar睇到果啲數據(咁ADS-B係好嘢嚟,否則各國唔會要求客機安裝佢)。但我最大質疑係,幾時香港機管局肯停用 AutoTrac 3 ,成個系統重新招標。

AutoTrac 嘅膠力去到天怒人怨級

軍用級別嘅嘢,未必代表可靠,但航空級別嘅嘢,就好大程度要求近乎絕對可靠,因為一旦飛機喺空中出事,係難以拯救,所以航空界對安全要求極高,亦極之保守,否則飛機Wi-Fi好遲至引入,起飛前必須關閉所有低功率無線電設備呢啲嘢,或者唔俾液體上飛機呢啲安排,要改都係一個慢速度,係寧願引致乘客不便,都唔要有任何空難危機,呢個係航空業界嘅基本原則。

但依家 AutoTrac 3似啲乜,我覺得真係可以執咗佢,同埋幾乎香港鄰近地區嘅 Air Traffic Control都係用 Thales Topsky – LORAD III 為本嘅系統,呢個幾乎係歐洲同遠東多國嘅標準嚟,換咗一個不穩定嘅系統,係一了百了嘅做法,一方面令香港嘅航空吞吐量唔受影響,但另一方面最重要仍然係安全,香港咁繁忙嘅機場,機場起飛同降落果陣,又會飛越人煙稠密嘅地區,任何航空事故都係無人賭得起,大家諗吓因 AutoTRac 3有乜閃失,然後成架飛機喺沙田上空出事,大家諗吓仲唔變終極大災難,呢啲嘢,機管局收香港人錢就識,但香港上空啲人嘅安全就完全唔理,香港就係可以腐敗到呢個程度。

跟住,仲有件左膠,我唔知係唔係有航空界中人俾咗水佢寫文,果個叫劉山青,劉山青唔識 AutoTrac 3有問題,仲喺度亂寫嘅文,依家仲留喺Google世界裡面,唔知條友係唔係要等到撞機,至肯公開認自己係膠人? AutoTrac 3 由2016年出事到依家,問題沒完沒了,都係時候要終結呢個系統,但如果依家仲有人可以為 AutoTrac 3辯護嘅話,我真係不知人間何世。

發表迴響

你的電子郵件位址並不會被公開。 必要欄位標記為 *