台獨-min

台獨 只不過係一個顯而易見邏輯問題

根據港大最新民調,雖然總體香港人反對 台獨 ,但年青人支持 台獨 仍然高達六成,大部分香港人都支持台灣重返聯合國。其實呢個結果並唔意外, 台獨 只不過係一個邏輯問題,係中國人因為唔知邊度飛出嚟嘅民族主義,至認為中國呢種橫蠻統一係合理。

台獨 只不過係常識同邏輯

《三國演義》開頭講嘅天下大勢,分久必合,合久必分,好多中國人都否認呢句話,話乜嘢中國只有短時間係分裂,真係十分之好笑。其實羅貫中呢句話,另一個版本就係客觀現實不為主觀意志所轉移。其實 台獨 基本上係中國政治千瘡百孔問題迫出嚟,當台灣同中國喺文化、價值觀越嚟越遠,你想唔分開都唔得。一如英國同愛爾蘭,大家後嚟語文都一樣添,但最終分開,因為大家宗教唔同,無法合一。如果真係客觀形勢要統,你想分都分唔到,好似BREXIT咁,依家咪玩出個大頭佛出嚟,係依家想分都唔知點分,無錯,離BREXIT仲有七個月,都無人知道可以點實現到BREXIT,大家等no deal hard BREXIT然後膠爆。

年青人支持 台獨 根本,就係年青人好清楚,台灣同中國嘅基本價值觀南轅北轍,中國係一個思想水平仲係大清帝國時代水平嘅國家,而依家以中華民國個殻上市嘅台灣,就已經係一個喺亞洲相對進步民主嘅國家,咁點統,香港人自己睇中國人喺香港點亂嚟,都知道統唔鬼到,年青人仲係講常識,所以唔認同所謂兩岸統一。而香港一代,係迷信國民黨、共產黨果套大一統論去到不能自拔嘅迷信地步,所以咪做統派囉,仲要支持中國果隻硬統。

我對統獨,其實係講先獨後統,亞洲唔同國家,一個個變成民主國家,再按自身意願,去整合成一個超級國家,即係今日嘅歐盟模式。歐洲,其實已經係一個合眾國,係爭一個整合咗歐洲軍隊。如果中國打散成若干民主國家,再之後日本、南韓、上海、兩廣、台灣、香港、新加坡再整合成一個亞洲聯盟,呢個至係可行嘅遠景,當然呢個可能係幾百年後嘅事,但如果唔行先獨後統,基於民主同人權嘅重新整合,我只能講,統一,一千年都做唔到,只會積累仇恨。

One thought on “台獨 只不過係一個顯而易見邏輯問題

  1. 愛爾蘭獨立又唔只宗教問題既(當然都好重要,尤其喺北愛),當年英國佬當愛爾蘭係殖民地咁統治,仲搞到餓死好多人(華人好難唔諗起老毛),直頭國仇家恨黎。

發表迴響

你的電子郵件位址並不會被公開。 必要欄位標記為 *