759阿信屋-林偉駿-min

阿信屋 有無殺死士多

近年聽得好多荒謬論述,但最荒謬嘅論述,應該係左膠講, 阿信屋 嘅出現殺死咗士多。大佬,士多其實喺香港結構下,如果無好似德國咁嘅零售批發架構, 士多 係唔係都會慘死,我真係唔明 阿信屋 同士多慘死有乜關係。

阿信屋 士多 Trinkhalle

喺德國,有賣平嘢唔駛本嘅超級市場,好似Aidl, Lidl, Netto, 有一般超級市場,好似REWE, Edeka,但德國一堆 Trinkhalle 都可以生存,所謂 Trinkhalle 就係士多,佢唔係便利店,因為佢地基本上唔賣食嘅,主要賣煙草、同飲品兩類。但 Trinkhalle 會唔會因平價被擊敗,唔會嘅,甚至 Trinkhalle 同啲大型鋪頭有相輔相成關係,因為 Trinkhalle 就係喺大超級市場,即係Aidl、Lidl入貨,或者網上果啲大批柯打飲品公司入貨,佢地可以賣差唔多 REWE、Edeka喺市區果啲超級市場賣嘅價,甚至更平。香港啲士多無一個入貨空間去生存,再加上地產商收殺雞取卵嘅租金至係問題,關 阿信屋 叉事咩。不如話香港啲地產商,幾乎將香港所有鋪面零售都殺得乾乾淨淨好過喇。

當然, 阿信屋 都可以做到救番生士多都得,我喺德國嘅經驗係,如果 阿信屋 入貨量再大啲,其實可以租個巨型倉庫,完全行No Frills裝修,跟住用Cash and Carry模式營運(其實Cash and Carry最啱廠佬去run,因為完全無花巧marketing可言),仲要可以同Car4van之類公司一齊合作,解決物流問題就得,令士多老闆唔駛自己租車或等送貨,點解唔得,喺德國好多小店都係問Cash and Carry入貨,Cash and Carry一定要揸商業登記先可以用嘅。問題係,問咗班新界原居民先喇,講到尾,土地問題,仲要係不公不義嘅土地問題。但可以肯定嘅係,話 阿信屋 殺死士多果啲死左膠,一定係無做過trading,或者零售同批發。同埋,香港士多果種落後嘅營運模式,本身都係好有問題,德國嘅Trinkhalle都至少有部見得吓人,應付到德國稅局VAT嘅收銀機,香港果啲就⋯⋯

發表迴響

你的電子郵件位址並不會被公開。 必要欄位標記為 *