登革熱-min

登革熱 肆虐:你政府班友搞乜㗎

登革熱 喺南洋肆虐,我理解,因為傳播 登革熱 嘅蚊,喺南洋果個熱帶雨林本質嘅環境裡面,唔係咁易滅到,但香港多年已經無 登革熱 ,依家搞到有人中招,我就知搞緊乜,係唔係遲早香港會再出現瘧疾之類嘅問題。

登革熱 同政府以及民眾嘅關係

登革熱 係多年無再出現過嘅傳染病,瘧疾又好, 登革熱 又好,呢類透過蚊傳播嘅疾病只係引向一樣嘢,就係公眾衛生意識差,同埋政府喺積水同去水道管理差勁,點解搞到咁,中國移民,以及政府出現中國式求其是但作風有密切關係,如果政府係認真處理積水等問題,工程唔係地盤管理是但求其,而中國移民唔係帶埋啲奇怪習慣,我真係好難想像唔係本地傳入嘅 登革熱 ,點解無喇喇會復活。所以都係果句,政府呢鋪搞乜㗎,依家唔係要乜嘢廢拉柴健康活力大使,而係一個喺傳染病問題上會向人民問責嘅政府。

依家要解決 登革熱 問題,如果制度上,係要物業管理、地盤管理、公共渠務管理以及民眾水準控制等方面著手,你話要唔要搽蚊怕水,要,我甚至可以賣埋德國果啲二合一,防曬露溝蚊怕水一齊果啲嘢(但好X貴,我喺shop照擺上架,我叫提供option俾大家),但真正解決問題,唔係蚊怕水,而係物業管理唔好再有圍標,公共渠務管理係落實做好,地盤唔係得個亂字,民眾係認真注視積水問題,點可能係咁,正如DDT都唔可以真正消滅非洲嘅瘧疾,因為瘧疾嘅本質,係公共行政或政治腐敗衍生嘅傳染病。如果依家香港政府仲係咁嘅質素,真係搭多多蚊怕水,同蚊怕膏都唔慌會解決到問題。

當然,有啲人仲好意思扮好係關心 登革熱 ,無錯,我指陳凱欣,佢以前確係醫療beat記者,但與此同時,佢係食物及衛生局前政治助理,依家香港出現嘅公共衛生問題,佢係一定有份,唔好扮晒嘢關心 登革熱 。如果佢話要政府點點點,我會咁回應,你條八婆出嚟向全香港人認錯先再講喇,前政治助理大人。民建聯就更加無資格為民請命,大廈管理圍標係邊個搞出嚟㗎,又係你民建聯呢班仆街,真係圍標圍到連蚊都出埋嚟,唔好話呢啲嘢同圍標無關係。

發表迴響

你的電子郵件位址並不會被公開。 必要欄位標記為 *