立場新聞-抄襲-min

由投訴Facebook到投訴 立場新聞

我一向對付五毛都係動真格,所以我至招嚟咁多抹黑,因為泛民選擇啞子食黃蓮,但我唔會。而我對付五毛,往往都係由真實嘅書信開始,上圖嘅掛號號碼,唔係攞嚟寄貨,係第一封要求 立場新聞 交出抄襲者嘅身份同解釋嘅信,我好少講咗唔做。

點解我要對 立場新聞 咁硬

由以前到依家,我對呢啲人都好硬淨,我亦唔理啲人點評論,因為你唔理佢,只會更囂張,對住中共嘅人,只能以牙還牙,你同佢講乜嘢自由都多餘,呢個道理我解釋咗n次。而對住 Facebook 又好, 立場新聞 呢類機構又好,你唔係一開始嚟律師信,如果你出律師信唔告人,果啲無follow-up律師信,啲人一樣當你係無牙老虎,但掛號你自己發出嘅信,你至少唔係一開始就訴諸法律,老實講,一開始就話告人,無乜意思,特別好多人根本係濫用匿名,有乜事就交俾Facebook, 立場新聞 之類嘅機構去擋,自己嘅責任就一啲都唔駛負,你試吓要五毛真係要負番佢應負嘅責任,你估佢肯唔肯同中共搏老命,中共又唔會俾安家費。

由Facebook 處理有啲人濫用tag功能嘅事件,對將黃世柒呢個滋擾page消滅,我都唔係用Facebook所謂投訴機制,Facebook official所謂投訴機制,係睬你都有味,我每一次都係講得好清楚我喺EU law下嘅權利,寄掛號信去Facebook Ireland Limited,Facebook會提供番一個佢地認為可行嘅方法,將呢啲事件解決,當然有可能當中書信往來可能要幾個月時間,甚至更耐,但都要做。但 Facebook Ireland Limited一向怕麻煩友,越麻煩佢地反而會認真處理你嘅問題,同埋唔俾五毛舉報得咁爽,Facebook Hong Kong Limited stop咗我嘅Facebook Instant Article都係咁解,雖然FBIA嘅利潤太低,其實已經好多公司唔肯再玩落去。

當然,我覺得 立場新聞 可能態度比Facebook更差,因為佢地唔認為要尊重一個EU居民嘅權利,所以我會直接再將一封信寄俾蔡東豪,我亦唔排除私底下解決嘅可能性,但我係一定要對抄抄子迎頭痛擊。香港人好多人都未知 立場新聞 遺禍果陣,咁都要某程度都捲起衫袖做嘢,至少佢地知道,得罪我對佢地一啲好處都無。

發表迴響

你的電子郵件位址並不會被公開。 必要欄位標記為 *