人民幣-廁紙

人民幣 會唔會委內瑞拉化收場?

人民幣 搞到好似委內瑞拉紙咁,要用面積多過廁紙嘅紙幣換一卷廁紙,好似好天方夜譚,但照依家中國極唔理性嘅公共財政政策,我睇 人民幣 委內瑞拉化,並唔係一件奇怪嘅事,依家中共嘅讓領導先走嘅行為,港幣弱方兌換保證係咁被挑戰真係好正常。

人民幣 委內瑞拉化係貪官搞出嚟

中國有一單財經新聞,如果你以為係利好消息,我真係覺得堅大件事,就係「國家隊」將會入場「撐」A股,如果係用外匯撐A股,呢個係讓領導先走嘅燒銀紙行為,會消耗中國外匯儲備,如果唔係用外匯撐A股,而係印銀紙去撐A股,就更加衰,呢個係製造通脹嘅托市行為,結果就係成班黨官沽晒手上啲股票後就走人,留低嘅惡性通脹同股市崩潰,就由你班中國人民自己搞掂佢。所以我有理由擔心, 人民幣 最終會委內瑞拉化,而依家港幣同人民幣匯價,關連程度高達83%,就好明顯知道市面上沽港紙買美金啲沽盤係邊度出嚟,就係班中國黨官自己搞出嚟,否則點會嚟關連度去到八成咁高至得㗎,黐線嘅咩。

所以 人民幣 好可能委內瑞拉化收場,甚至港幣匯價嘅穩定度,都要睇香港啲美金儲備其實去咗邊度,一直以嚟港幣都無話啲美金實際擺喺邊,如果美金仲喺金管局金庫,或海外都未必咁令人擔心,但依家最令人擔心係筆美金實際喺班黨官手上,咁就大件事,不單港幣一夜變廢紙,而且揸住大量負債證明書嘅銀行,亦都會十分之大鑊,因為發鈔銀行係攞住真金白銀嘅美金擺喺外匯基金度,換取負債證明書作為發行港幣嘅保證,呢個亦係港幣由發鈔銀行嘅紙鈔,縱使唔係寫明legal tender,都可以憑票即付嘅原因,實際上憑票即付嘅依據係政府欠發鈔銀行嘅免息貸款,如果果筆錢根本係唔見咗,就真係乜都無。依家《外匯基金條例》,並無列明用以保證港幣發行嘅基金,係必須存放同港幣等值嘅美金、黃金等實物喺香港特區內嘅庫房,相反,財政司司長係有好大權力,大家都知陳茂波係財政司司長嚟㗎喇。

人民幣 咁玩法,呢個係我一直擔心嘅理由,至於啲五毛,我祝佢地收開嘅 人民幣 五毛有朝一日變到好似張相嘅委內瑞拉紙咁。

One thought on “人民幣 會唔會委內瑞拉化收場?

發表迴響

你的電子郵件位址並不會被公開。 必要欄位標記為 *