陳凱欣-殯儀館-min

陳凱欣 天才團隊喺殯儀館區賣健康大使廣告

香港真係人才神奇嘅地方,啲人一投共就投共連智商都無埋。 陳凱欣 無厘頭做健康大使,阿水都知佢係偷步搞九龍西補選選舉工程。只不過 陳凱欣 似乎係投共投到一個電視出身公關人嘅常識都無埋,喺萬國殯儀館、世界殯儀館林立嘅地區整個大billboard宣傳佢係健康大使,唔知係乜玩法咁?

陳凱欣 變咗殯儀大使

陳凱欣 做健康大使,如果廣告喺港鐵站出現,呢個仲叫正常安排,如果唔係劉小麗一早食相難睇,自己無實力又要用「政治倫理」之名霸住個位,仲可以用啲社區議題賣下廣告,反正要揼心口,應該有人幫佢喺港鐵搵到平廣告俾佢嘅。但係揀廣告位置,都要考慮一吓視覺效果啩,劉小麗黃底白字無人識睇嘅廣告已經好過份,依家 陳凱欣 係低處未見低,喺殯儀館附近,賣健康大使廣告,仲要農曆七月喎,對啲老人家嚟講,你依家攞景定贈慶?不如 陳凱欣 著晒白衫,叫自己做殯儀大使,或者農曆七月大使算喇,反正佢化妝個粉底厚到,簡直係同啲牆壁嘅批盪一樣咁厚,咁樣都叫健康,我無話你係面無人色,猶如殭屍已經十分客氣,雖然投咗共嘅政棍,確實真係一副副政治殭屍,或者係政治喪屍。

所以我話 陳凱欣 果個團隊,簡直係一個天才團隊,本來我都諗唔到用鬼節嚟玩陳凱欣,但依家佢掛咁大個廣告,隔離全部都係「頂級大酒店」,相都唔駛改,選 陳凱欣 一定令香港變鬼城,政治喪屍群魔亂舞,仲衰過日本漫畫妖獸都市。當然,鬼節點樣大家發揮創意,用長者圖喺WhatsApp傳嚟傳去,搞到啲老人家投之前都心驚驚,呢個係大家玩膠創意嘅發揮。我個人唔會幫劉小麗,因為佢係輸梗,而且好大機會再被DQ,但 陳凱欣 呢啲有人唔做,走去做鬼嘅人,係要令佢受到重挫,甚至某程度上,選劉小麗都係衰,但如果兩害取其輕,可以一妖治一妖嘅話,我覺得都未嘗不可。

都係果句,有時選舉呢家嘢,唔係真係選賢與能,係華人至仲執著選賢與能呢家嘢,好多時都係兩害取其輕,或者一妖治一妖,不過假焦土政策,就一定唔係果回事就係,呢樣嘢,我都係趁依家講到明晒先。

發表迴響

你的電子郵件位址並不會被公開。 必要欄位標記為 *