泳總-黑過墨斗

泳總 果然黑過墨斗

泳總 嘅黑事,真係一鑊接一鑊,只不過最近揭爆呢鑊最黑,就係唔係游得最快嘅吳欣鍵可以入港隊,但游得最快果個入唔到,原來係吳欣鍵老豆係 泳總 高層吳旭光,呢單嘢簡直係我爸是李剛嘅級數,將香港體壇嘅仆街世襲傳統發揮得淋漓盡致。

泳總 真係黑過墨斗

泳總 嘅醜聞,但呢單最黑,因為已經係變成純粹人治,廉政公署係應該調查 泳總 本身有無涉及貪污,當然,大家唔駛指望中國香港奧委會會對 泳總作出任何改革,因為中國香港奧委會都幾乎出現類似父傳子機制,完全同果個人對體育界嘅貢獻無關,如果好似香港奧委會咁,出現霍家壟斷嘅情況,喺第二個國家,係連負責體育政策嘅部長都被人炒埋魷魚,係香港人同傳媒,至縱容呢種荒謬透頂嘅情況,當然,呢個亦同過份務實嘅香港人,特別老一代唔注重體育有關,呢個世界啲上一代都以為,萬般皆下等,唯有炒賣高,做實業都會被人認定為無X用,結果依家香港體育界咪變成一個腐敗天堂,成班友攞住政府資助私相授受。甚至可能有啲更聞所未聞嘅貪污,大家根本唔知。

所以如果你嘅子弟有實力參加國際比賽,唔好選擇代表香港出戰,因為分分鐘無機會出戰之餘,仲要承受一肚氣,浪費光陰,可以選擇代表西方國家出戰,寧願選擇西方國家,喺國際體育賽事上搞腐敗,其實係華人社會通病咁滯,由中國、台灣、香港全部都有呢個問題,呢啲積咗幾十年嘅毛病,一定要公眾高度重視,並且將政府裡面包庇佢地嘅人連根拔起,再用若干年時間至可以解決。而華人社會體育界,係連職業賽事,有大筆資金挹注,都可以搞到貪污、假波滿天飛果吓先至係最離譜,所以呢個明顯係文化問題,如果大家唔關注呢啲文化問題,只會沒有最離譜,只有更離譜。

只不過泳總呢件事,仲證明咗香港有一位厚顏無恥嘅局長,佢個垃圾桶花名唔係浪得虛名,果條仆街叫劉江華,劉江華作為民政事務局局長,佢係必須回應 泳總 嘅醜聞,但依家劉江華依然係極度深潛,香港民政事務局喺劉江華之下縱容有幾多貪污腐敗,特別喺文化體育活動上嘅腐敗,大家可以思考一下。

發表迴響

你的電子郵件位址並不會被公開。 必要欄位標記為 *