林子峰-仆街-min

林子峰 做人唔好太仆街

喺759阿信屋老闆林偉駿死後,香港好鬼多牛鬼蛇神出咗嚟,最典型例子係優品360嘅 林子峰 ,本來佢唔提乜嘢十億收購嘅風涼話,都無人話佢啞,但依家講埋呢啲嘢,咁就係另一回事,激起公眾對優品360嘅憤怒其實好正常。

林子峰 做緊乜嘢仆街生意?

林子峰 係一個乜嘢仆街,簡單嚟講兩點

1. 佢挖咗759部分員工,然後照抄入貨方式嚟搞出優品360出嚟,當然優品360最重要唔係喺香港賣嘢,果啲用嚟俾 林子峰 炒鋪果陣,唔好丟空間鋪,你估佢啲鋪會好似759咁同個社區打關係咩。佢入貨多同平,因為有唔少貨實際上係流入福建果啲海淘度,點解759少中國啲人去,而優品360多,梗係喇,入嘅item口味都唔同,林偉駿係零售為主,日用品都係入日本多,優品360入美國嘢,唔少係Aveeno,最早用Aveeno,除咗我呢啲濕疹人,同美國有一定connection,知道用佢外,就係班中國人。

2. 林子峰 最大嘅大茶飯,梗係炒鋪炒車位,買成個領匯商場,然後劏劏劏,拆拆拆,果啲領匯都做唔出嘅嘢,呢條仆街做到十足, 林子峰 做得又狼又狠。

林子峰 一定以為對手死咗,自己可以買殻仲乘機劏香港人,我都係果句,你小心你自己嘅資金穩唔穩陣先,中環中心果單交易,佢就真係小心啲,依家一旦加息,就爆到唔清唔楚,我喺會員版分析過呢單嘢,我就唔喺呢度再重覆啲內容,免得唔公平,大家可以去會員版搵番,但 林子峰 犯眾憎,同佢係果啲炒炒賣賣,搞亂香港民生嘅行為有關,大把人想睇佢點樣仆街死就係。

所以都係果句, 林子峰 做人唔好太仆街,其實成日啲中國人話實業救國,實業建國,最唔想搞實業果個,其實係中國人,有兩個錢就喺投機市場興風作浪,個個想做一代鉅富,追求皇帝級嘅奢華生活。喺德國,最有錢果兩兄弟,即係Aldi Nord嘅Theo Albrecht,同Aldi Süd嘅Karl Albrecht(兩大集團都係全歐洲數一數二嘅廉價超級市場集團,果啲無裝修可言嘅超級市場),喺1971年綁架案後,作風極隱形,自己收埋自己喺個島度,或者返工用唔同揸車路線,食同著都好簡單,應該係高度隱形果隻。華人要學到咁,真係極少有呢個道行。 林子峰 呢啲,連為死者諱嘅基本禮貌都唔識,就大把囉。

One thought on “林子峰 做人唔好太仆街

發表迴響

你的電子郵件位址並不會被公開。 必要欄位標記為 *