林奮強-騙徒-min

林奮強 自己移民咗去大灣區先好再派膠

喺一眾梁粉之中,最煩膠嘅當推馮煒光,簡直去到令人有攞起拳頭嘅衝動。但另一個梁粉,一樣講啲嘢十分之仆街,果條友叫 林奮強 ,佢有淋糞強或人粉強之稱,唔係浪得虛名,佢講嘢果種厚面皮,佢敢認第二,都無人夠薑認第一,佢同馮煒光簡直係孖寶。

林奮強 認為大灣區咁好唔該移民先

首先,如果 林奮強 認為大灣區係發梗,咁佢應該身先士卒移民大灣區,仲留喺度獻世做乜啫,佢又唔係一般民眾無錢無盛,佢係有兩個錢,佢覺得大灣區咁掂,應該自己去咗先,反而仲有啲傻佬會落疊陪佢一齊癲,依家我睇唔到點解要陪佢一齊癲,你 林奮強 都未郁,我點知你係唔係點咗啲小市民過去後,佢就cap水,你就當災,無錯,佢覺得 大灣區 係發達機會,只不過係令 林奮強 發達,唔關你事,呢個係成件事嘅真相。

另一方面, 林奮強 話自己幾年後都想移民,如果香港唔搞大灣區,其實 林奮強 係唔係依家申請緊移民,cap完呢轉香港人水係,然後食飽飽去西方國家咁,香港人係無責任資助你班梁粉逃避支爆,因為梁振英呢種人,本身就係支爆嘅源頭。梁振英同埋 林奮強 ,其實應該自己留番喺香港,唔要西方國家護照同居留權,一方面係證明佢地好愛中國,另一方面,佢地應該自己承受番支爆造成嘅結果,而唔係昆咗香港人之後自己走咗去。

其實今日各地地方政府,利用土地炒賣搵水,呢種仆街絕學,傳入去中國嘅,並唔係第二個,就係梁振英呢條友,梁振英呢條友如果唔係佢幫仲量行喺中國開荒期間,教中國各地政府呢套衰嘢,中國會搞到依家咁嘅款?無錯,華人都有炒賣土地嘅劣根性,但過往中國嘅政權,一般政府唔會主動炒起地價,或鼓勵土地兼併同炒賣,因為呢種情況會危害社會穩定以及政權。就算香港玩炒賣,都係政府推出大量Council House就夠膽玩,因為理論上luxury land炒嚟炒去係唔影響民眾生活。但依家中國政府係人人學一半唔學一半,香港就係本來知道點操作,依家因一部分地產商貪心就亂咁嚟,甚至顛倒是非到要保住高爾夫球場郁郊野公園。如果中國人要為今日亂局算賬,算到梁振英頭上其實無大錯,正宗亡國之才。

發表迴響

你的電子郵件位址並不會被公開。 必要欄位標記為 *