香港小姐-才藝-min

香港小姐 變小丑:CCTVB 喺李寶安治下保證執笠

本來無人會知香港搞緊 香港小姐 選舉,只不過,今年 香港小姐 喺網上搞咗乜嘢才藝小姐項目,表演極膠,完全係黐孖筋之作,當 香港小姐 都搞到咁,唔怪得曾志偉咁cheap都頂唔住,好歹曾志偉都係曾經拍過好嘢嘅導演(最佳拍檔咪係佢導演,安樂戰場都反映佢可以拍嚴肅嘢,雖然佢依家係一件仆街),由 香港小姐 變小丑,可以睇到李寶安破壞力幾勁抽。

香港小姐 點解變小丑

香港小姐 可以變小丑,有兩個元素不可或缺,就係主事人無taste,以及一味揸數主導,搞出個大頭佛出嚟。

先講主事人無taste,李寶安無taste唔係新聞,你睇周梁淑怡走之後嘅亞視,究竟搞出啲乜出嚟,如果唔係搞唔掂,我諗唔會有封小平呢班大帝亂咁嚟。如果最後林百欣將亞視唔係賣出去,而係交俾林建岳管,或者會幾好睇,林建岳搞電影叫做威過,有啲嘢係叫好好睇睇,大部分家族企業我都唔會認為父傳子合理,但亞視係例外,如果當年亞視唔係交俾李寶安,唔係賣俾封小平,而係交俾林建岳,唔會搞到執笠。之後搞出沈野呢啲膠人出嚟,就後話喇。你睇無線由陳志雲主政果陣,邊有咁黐線㗎。陳志雲好歹都係香港電台出身,佢有番啲做public broadcaster出身嘅堅持喺度。

跟住係揸數,你有taste去揸緊盤數,未必係壞事,有taste都可以蔗渣價錢,燒鵝味道,但李寶安係無taste,佢老闆陳國強同黎瑞剛都係無taste,大家可以諗到乜災難發生, 香港小姐 搞到澳門小姐都不如,本來去澳門果間酒店果種cheap已經極難頂,更加唔好講呢啲淪為笑柄嘅才藝表現。亦因為無taste又要跑數,所以至任由啲肯德基家鄉雞喺任何節目都可以亂入嘅置入式廣告,德國都有置入式廣告,但唔係無時無刻,係又食雞,唔係又食雞,你睇住嚟, 香港小姐 加冕果刻都要食雞,你估呢啲嘢李寶安做唔出嚟呀,大家唔好唔記得,佢亞視高層出身㗎。

亞視最後都係群膠亂舞下執笠,我相信CCTVB都係一樣,李寶安真係香港電視界奇人嚟,佢都係返去做佢嘅專業會計師算喇。

發表迴響

你的電子郵件位址並不會被公開。 必要欄位標記為 *