陳浩天-FCC-min

陳浩天 嘅要求只不過要香港政府咪龍門任搬

陳浩天 去信美國總統Trump,要求取消香港關係法,同踢中國以及香港出WTO。當然 陳浩天 呢封信有啲盲點,例如 Trump 其實已經唔想要WTO,佢係繞過WTO玩西方國家自己嘅自由貿易遊戲,好明顯佢跟唔足侵嘅玩法。只不過,佢封信香港土共反應好好笑,反映香港政府班友一向龍門任搬得太離譜。

陳浩天 只不過提醒當年美國將香港交俾中國嘅條件

當年美國為咗拉攏中國,至將香港交俾中國,但呢個唔係無條件,條件就係香港繼續係西方社會一部分,包括政制同文化,同埋唔可以做共產中國危害西方嘅白手套,如果違反呢啲條件,西方社會可以要求中國嘔番香港出嚟,或者將香港徹底制裁,咁你中國就會損失慘重。 陳浩天 只不過提醒美國有呢張牌可以打,而且係得到香港人同意。Trump見到有香港人教佢打呢張牌,佢係堅出呢張牌,所以大家見到湯家驊嘅態度一百八十度大轉變,林鄭月娥始終係做過保安科,佢知道西方社會交出香港嘅條件,所以佢叫湯家驊收掣,講明23條都告唔到 陳浩天 ,林鄭月娥係想結束呢場鬧劇,而邱騰華變咗港獨分子就更好笑,如果佢咁重視香港獨立關稅區嘅地位,就唔該叫姓梁果條仆街,唔好再講乜嘢大灣區、一帶一路,呢啲嘢全部都係香港人唔應該掂嘅嘢嚟,關香港叉事。

香港唔可以一味左右逢源,其實香港到咗一個抉擇嘅時候,特別係商界,你要進入西方市場,定跟中國一齊發癲,只能二揀其一,無魚與熊掌都兼得嘅局面。我相信香港商界應該意識到好快要作出抉擇,如果係醒嘅,呢個時候企喺支持民主人權嘅一邊,都仲有機會生存到,好似林偉駿咁,佢縱使講過想入共產黨,想入民建聯呢啲言論,都可以得到尊敬,特別佢唔怪啲人佔中嘅言論,講番句人話已經可以救到商界自己。但如果繼續同梁振英、張曉明一齊癲,唔好話生意不保,係連佢地自己本西方國家護照都不保,一旦支爆都唔知走去邊度,呢啲勝利友係最為可憐嘅一批人。 陳浩天 乘機測試埋,究竟香港啲商界人士,仲剩低幾多智商,係唔係投共投到連智商都無埋,雖然有部分真係無智商,例如李梓敬。

One thought on “陳浩天 嘅要求只不過要香港政府咪龍門任搬

  1. I ever mentioned it to him about this problem of hong kong so that Trump knew it before he become president. Trump is always loyal to me as he got 95% of my thoughts. And Trump followed 95% of my decisions.

    P.S. “7thJuly2018 I decided to remove PRC in 3 months.”

發表迴響

你的電子郵件位址並不會被公開。 必要欄位標記為 *