759阿信屋-林偉駿-min

759阿信屋 主席過身

759阿信屋 主席林偉駿突然過身,事出突然,當年佢同某個網台嘅合作,係我line-up,而我真係估唔到去得咁快。 759阿信屋 嘅經營模式,大家有好多爭論,但講句真,佢喺開放香港市場競爭上作出重大貢獻,呢樣嘢已經好夠。

759阿信屋 存在嘅價值

759阿信屋 ,係一門好吃力唔討好嘅生意,做零售幾時討好過,我都被人抹黑過,更何況 759阿信屋 咁大件,但如果 759阿信屋 唔係做零售生意,我可以講,齋靠高雅線圈,佢只會係一隻被殻股,然後被人舞龍咁舞,或者好似一啲有過貢獻工業家咁,被迫破產收場。 759阿信屋 佢帳面點蝕都好,佢係有好多cash flow一般生意,一年以億計嘅cash flow,Amazon都無錢賺㗎,但Amazon值租係cash flow, 759阿信屋 應該係第一個香港用cash flow證明佢價值嘅公司,況且佢打破壟斷,將日本嘅好嘢帶返香港,你諗吓無 759阿信屋 ,你要食日本零售或麵食有咁多選擇?

當然,759阿信屋 我明係堅難做,一方面係有人抄佢嘅business model,香港人有幾多好似王維基、林偉駿咁自己打個新model出嚟,開山闢石被人狂鬧兼且唔一定發大達,真係傻佬先做。另一方面,香港鋪租太貴,大家諗吓,我賣把孖人牌廚刀俾你,我係計埋德國郵政寄嚟掛號錢都平過喺鋪買,香港啲鋪租嚇人到乜程度,大家心知肚明。亦係因為鋪租,至今香港好多靚嘢都買唔到,因為真係買靚嘢,價錢根本貴到嚇死人。 759阿信屋 作為一個挑戰地產霸權嘅公司,佢本身要控制租金唔容易,當租金成本仲大過郵寄成本果陣,好多嘢就變得好吃力唔討好。如果一啲平價貨品嘅物流成本問題解決到,我相信香港地產霸權其實可以結束咗佢,至少地鋪根本唔會值果個租金。當然,我都係果句,香港郵政作為最有可能成為香港e-Commerce物流領導者,唔上市亦搞到成個系統一鑊泡,究竟政府想點,其實都心知肚明。

無論如何,先人已去,林偉駿對香港商界同消費者係一個有功嘅人,無庸置疑。

發表迴響

你的電子郵件位址並不會被公開。 必要欄位標記為 *