物流-DHL-min

關於 郵寄 物流嘅二三事

我個 webshop 試業咗一個月,當然多謝各位嘅支持同包容,我呢度,我都講番我之後一啲跟進,特別 物流 上面嘅一啲問題,同睇法,以及我嘅解決方案。畢竟我做係中國、澳門以外嘅市場,我唔會果啲中國人嘅奇怪做法。

物流 最終完全由DHL處理

先講賣廚刀,啲人好奇怪,廚刀乜可以寄嘅咩?當然可以寄,但廚刀要寄有兩個條件

1. 必須係掛號郵件,而且係CN22報關,
2. 同埋把刀係跟原裝包裝

原裝係有個膠盒,所以寄廚刀係無問題,至少我問過香港郵政係無問題。中國都接受廚刀,只不過三把為限,更何況香港。

但呢排成件最令人困擾,係香港郵政嘅服務,因為香港郵政唔知點解唔夠艙位(應該多謝中國遊客),所以好多郵件,唔係喺法蘭克福德國郵政嘅國際郵件中心等香港郵政好耐,就係香港郵政清關清得好耐,我估暑假艙位係特別煩,因為平日有時Aerologic有位,經萊比錫跟DHL Express啲件走,香港郵政都可以接受。只不過,香港郵政啲退聯嘢,其實我都領教過唔少,亦唔想變相俾錢香港政府賺,所以我依家傾緊係用DHL Global Mail派件,如果DHL Global Mail派件,應該可以避免由香港郵政嘅人派,變咗真係全部由DHL嘅員工全面負責。我同好多所謂代購唔同係,我可以自己做埋報關(當然我要處理大量Paperwork,否則你們唔會見到每份件CN22都係電腦打,人手做死咗十世喇),所以我可以考慮繞過Deutsche Post-Hong Kong Post呢個組合,係全Deutsche Post DHL處理晒。但當然,呢個我要有一定嘅郵件量,至可以咁樣做,因為如果個量唔夠,DHL Global Mail係有啲難搞嘅。

但Tracking number,我會陸續做到,Deutsche Post會自動派個tracking email俾你,創業艱難,你估左膠,一味得個講字。

圖片由德國郵政DHL提供:https://www.flickr.com/photos/dpdhl/4842960323

發表迴響

你的電子郵件位址並不會被公開。 必要欄位標記為 *