陳凱欣-劉小麗-min

陳凱欣 大軍殺到:泛民何故執迷不悟

陳凱欣 應該好大機會代表土共領軍選九龍西,當然,我一早講咗, 陳凱欣 係一件仆街嚟,做得傳媒耐,有時知啲人係點都唔難,我亦唔多怕得罪香港呢啲人。只不過,泛民堅持派劉小麗或李卓人,我只能講, 陳凱欣 真係勝券在握。依家局勢,只能由鄺葆賢醫生,或者得到游蕙禎endorse嘅人出戰,至可能有啲機會贏到呢場戰役。因為劉小麗班友,至今仍然未知鄭泳舜呢件仆街點解做到議員。

陳凱欣 比鄭泳舜更難打

有樣嘢,只不過係設計常識,就係黃底無理由撞白字,否則只會眼力極佳嘅人至會睇到你banner寫乜,但劉小麗可以犯呢類白痴錯誤,同姚松炎上次啲白痴banner一樣咁經典。齋係呢樣嘢,劉小麗同佢後面啲操盤手都全部摺得,依家唔係業餘手法搞選舉,亦唔係我一條友單打獨鬥搞shop,如果我有多啲時間同資源,我都想同啲貨品影得靚仔啲。你依家係成棚左膠唔知做緊乜,上次輸咗啲乜都唔知。

陳凱欣 比鄭泳舜更難打係,鄭泳舜只不過係死好命嘅二世祖,佢喺傳媒面前present係唔得,但 陳凱欣 係主播出身,佢乞人憎都好,都呃到唔少人,至少老人家一般仲知佢乜水,你估CCTVB流喇。而劉小麗,你本身唔算靚女唔緊要,更大問題係,你條友喺全民退保問題上龍門任搬,好多本土派或者右派叫你小麗老母呢個尊號,你估係石頭爆出嚟。當然,果個Plan B叫李卓人,大家都一樣胃都反埋,食相難睇。所以唔該搵個件似樣啲Plan C,如果鄺葆賢出唔到,任國棟我反而認為佢打得,至少佢有基層基礎, 陳凱欣 擺明空降,係無基層戰鬥力,而且老鼠芬、蔣元秋兩個老女人都未必想陳凱欣上位,咁樣就有啲機會打。依家?你覺得贏到,傻的嗎?

我可以咁講,依家一早就出嚟鬧爆劉小麗同羅冠聰呢啲白痴,我唔會等到輸咗至馬後炮,我十分之肯定,泛民呢啲選舉工程,唔輸係無天理,甚至今次會輸得更仆街,選戰唔係咁打,唔識打選戰仲要鬧啲評論員嘛,我就十倍奉還,件事就係咁簡單,對我嚟講,劉小麗同馮檢基其實相差無幾,沒有誰比誰硬膠。

發表迴響

你的電子郵件位址並不會被公開。 必要欄位標記為 *