土耳其航空-澳門-min

土耳其航空 開闢澳門航線:走錢一帶一路?

自澳門直航里斯本呢條人類史上最長內陸線之一停咗後,澳門一直無去歐洲飛機,長期要喺香港轉機。但近 土耳其航空 喺澳門賣葡文廣告,傳聞將會有 土耳其航空 直航澳門航線。呢條引起我十分之大懷疑,係唔係一條走黑錢航線,歐洲國家應該關注一吓。

土耳其航空 依家開線係急住開

土耳其航空 點解依家要咁急開線,我估 土耳其航空 同澳門以及中國傾過吓,但因為依家土耳其經濟好唔掂,所以至要急開線成咁,仲要好明顯阿水都知呢條線正常係唔會有客,要靠班土生葡人掩人耳目,大家諗吓,以澳門嘅人口,縱使有十幾萬歐盟公民,但唔計啲土生葡人,有幾多個年年返歐洲,唔通果啲幫中共潛伏喺歐洲果啲叛國人士?否則里斯本澳門之間航線,就根本唔可能最後要摺線收場喇,所以依家好大機會係, 土耳其航空 呢條唔知有無錢賺嘅航線,係一條幫中共做白手套嘅航空,可以係運一班中共官僚過去,係可以運現金,或者其他事,澳門做中共白手套都唔係第一次,否則劉特佐又點會走得甩至得,呢條友爭馬來西亞人民幾多錢至得。

當然呢條航線係未開,但如果真係開呢條線,我覺得有兩樣嘢,首先,歐盟國家一定要密切關注呢件事,唔可以變成一個保安漏洞,無錯,依家土耳其唔係神根區成員,但歐盟同土耳其依家仲保持歐土關稅聯盟條約,令到土耳其縱使未加入歐盟,但喺工業產品流動呢方面,只要啲貨物抵達土耳其,就等同抵達歐盟境內無異,好難再阻止,呢樣嘢好大件事,所以歐盟應該同土耳其關注一吓,究竟呢條航線想點,歐盟國家仲比較容易控制,呢類Non-EU、Non-EFTA、Non-EEA嘅怪物,其實係好難控制得到。

另一方面,係 土耳其航空 轉機果啲乘客,我相信唔少係會坐返土航航機或TAP去到歐盟境內,葡萄牙固然應該做番自己嘅嘢,雖然葡萄牙根本係歐盟嘅the weakest link,而英國同德國,更加要嚴防嚟自土耳其嘅乘客。當然,有部分應該係坐Eurowing,或者Lufthansa入嚟,總之 土耳其航空 好搞唔搞搞呢啲航線,都唔慌有好嘢。

圖片:荷蘭RNW圖片,https://www.flickr.com/photos/[email protected]/3308531577,CC 2.0授權

發表迴響

你的電子郵件位址並不會被公開。 必要欄位標記為 *