建行金

建行金 引發嘅問題:實金應點買?

最近有一單舊聞翻炒嘅新聞,就係 建行金 居然可以吸到磁石,令人懷疑 建行金 嘅成份有問題,其實呢個係中國或香港買金條或實金最大問題,你根本唔知邊度可以買到真正嘅黃金,大銀行一係無金賣,一係好難買到實金,好麻煩。

建行金 反映嘅問題

喺中國嚟講, 建行金 傳聞最大反映係,中國人對政府根本唔信任,建行作為國有企業,一旦支爆果陣,乘機賣實金嚟歛財係唔出奇,大家唔好唔記得,發明金圓券同銀圓券呢種仆街嘢,就係哥倫比亞大學經濟學博士,但走咗去投共嘅冀朝鼎,一個曾經有咁樣玩膠玩到經濟崩潰經驗嘅政黨,你點信佢任何發行嘅實金類物體,我自己睇法係,以前啲人去寶生銀行買金呢種習慣要改,因為隨時你喺中銀香港果啲銀行唔知買到啲乜嘢返嚟,屆時真係大鑊到無朋友。

當然,我依家人住歐洲,你叫我除咗喺英國皇家鑄幣局買金外,仲有乜嘢地方好買實金,又係自己keep,我一定講係德國郵政(Deutsche Post),大家信德國郵政嘅原因,因為德國郵政至今大股東仍然係德國政府,德國郵政同德國政府嘅關係仍然係好密切,所以大家係信任德國政府前提下,喺德國郵政買金,一如大家去英國皇家鑄幣局買金,都係因為信任英國政府本身,講到尾,呢啲已經係一個國家信譽嘅問題,你試吓中國人民銀行自己賣金會唔會有人買,我睇怕係,梁振英、馮煒光之流係咁老點你去買,但係呢班仆街一個都唔會真係去中國人民銀行買金,呢啲人對中國嘅理解,隨時同佢地對中國嘅講法係完全相反,尤其係馮煒光呢條友。

有讀者問過我,如果香港儲金有問題,喺海外邊度儲金好,我係有方案嘅,呢啲大家去會員版睇,呢啲有價值嘅內容,都係留番會員版,好過免費版俾啲抄抄子抄,當然,喺香港都應該買個好嘅夾萬,甚至要準備提升屋企嘅保安水平,同埋都係果樣嘢,買金固然應該去外國,但儲金都應該係持EU護照,因為依家中國護照個朵真係太臭,大家唔知你會唔會洗黑錢,隨時洗黑錢審查果度煩到你抽筋都唔知乜事,咁就真係無乜謂,護照係有分別就係有分別。

4 thoughts on “建行金 引發嘅問題:實金應點買?

  1. http://www.finet.hk/Newscenter/news_content/5b77b319e4b0e337b67b4fcf

    據證券時報報道,8月16日,廣東省政府在中央國債登記結算有限責任公司深圳客戶服務中心,通過財政部政府債券發行系統面向銀行間市場和交易所市場成功發行“粵港澳大灣區土地儲備專項債券”,發行總額為341.9億元,期限為5年期。本次發行是廣東省和澳門特別行政區共同推進國家粵港澳大灣區建設戰略,由澳門金融機構參與廣東省地方債投資,積極推動粵澳金融合作。本期債券對應粵港澳大灣區相關地市(廣州市、珠海市、佛山市、東莞市、中山市)土地儲備項目,成為全國首只多地市土地儲備項目集合發行的地方政府項目收益專項債券。本次債券發行還首次吸引了多家澳門境外機構通過結算代理方式參與債券分銷,開創了境外機構投資地方債的新渠道。

發表迴響

你的電子郵件位址並不會被公開。 必要欄位標記為 *