大公評級-min

大公評級 變咗太公評級

幾年前,以為自己十分厲害嘅強國,唔滿意美國喺評級市場玩晒,搞咗個 大公評級 ,仲走去評美國嘅信貸評級低,點知間嘢太膠,變咗太公評級,好多經佢評級嘅公司都走數收場,結果 大公評級 膠到連中國證監會都唔准佢玩評級一年,即係收咗檔。

大公評級 與貪污腐敗

大公評級 如果除咗評美國外,評其他公司都係照國際評級公司嘅慣常做法,其實未嘗唔係又搞政治,又搞生意嘅門路。但問題係,你做得評級機構,就一定必須超然中立,而且唔可以有人貪污,收咗水就可以亂評廿四,老點你啲客仔。而中國人如果搞評級機構會係點,大家睇吓中國人一入政府,立即收水,有水就好辦事,無水唔駛辦事,結果立心走數嘅友仔俾咗 大公評級 錢,就可以爛公司講成信用昭著,而唔想走數又唔俾錢嘅友仔,攞唔到好嘅評級,發唔到債,問銀行係咁撞板,中國搞個評級都可以如此不公不義, 大公評級 因此變咗太公評級,直到接二連三有公司甚至銀行撞板,遇正支爆浪潮,中國證監會停你牌只係第一步,我估 大公評級 裡面有唔少可能被人拉。當然,呢個亦唔排除係北戴河會議權鬥嚟,畢竟 大公國際一開始並唔係乜嘢正式評級機構,只不過係中國政府嘅一個政治工具。

依家 大公評級 變咗太公評級,其實中國日後乜嘢債務市場評級,最終都會回歸美資三大機構,你話惠譽、標準普爾同穆迪呢三個機構有乜問題都好,佢地多年歷史證實一樣嘢係,佢地嘅分析方法係有盲點,但唔會收水做埋晒啲亂咁嚟嘅預測,至少唔會真係變咗太公評級,所以金融海嘯後,各大銀行嘅信貸評級始終係回歸三大機構嘅做法,亦係合情合理,人地係做得耐,一切有基礎,有規有矩,而 大公評級 ,只不過一個政治笑話,兼且係有人乘機貪污舞弊嘅平台,對真係要放數嘅人,根本一啲參考價值都無,照 大公評級 嚟買債券,你未破產已經好好彩。

都係果句,中國嘅貪污腐敗文化一日無改變,西方國家喺金融市場嘅領導地位係唔會有人動搖,有時唔係你有無錢嘅問題,係你做嘢方式嘅問題。一如中國海關做得最好嘅時代,係英國人代管嘅年代,大家諗吓點解。

發表迴響

你的電子郵件位址並不會被公開。 必要欄位標記為 *