梁振英-共產黨-min

梁振英 唔知共產黨喺歐洲國家可以被禁?

有時候, 梁振英 好急於用港獨嚟轉移視線嘅時候,反而越突顯佢係一個膠人。好似佢質疑點解有討論港獨嘅自由,但無讚揚共產黨偉大嘅自由,喺歐洲,有啲國家係將共產黨同納粹黨一樣,列為違憲組織,就係唔可以讚揚共產黨偉大,而且唔違反言論自由。

梁振英 係唔係反民主

喺歐洲,係有一堆前東歐共產黨統治國家,係列明禁止展示共產黨徽號,包括烏克蘭、拉脫維亞(前蘇聯加盟共和國,歐盟成員)、立陶宛(前蘇聯加盟共和國,歐盟成員)、保加利亞(歐盟成員)。你喺羅馬尼亞,可以展示共產黨徽號,但讚揚共產黨偉大,如果涉及鼓吹暴力係違法,而有部分國家,係唔俾任何讚揚極權主義嘅符號出現,一般嚟講,係納粹同共產黨都係禁止之列,因為兩者其實係同類嘢。

梁振英 要讚揚共產黨偉大,我作為歐洲人第一件事要質疑係, 梁振英 係唔係支持獨裁,反對民主,係嘅話,唔好意思,你絕對係無言論自由去發表讚揚共產黨偉大。相反,港獨只要最終目的係民主國家,唔係建立納粹香港或共產香港,呢個係世界公認言論自由,德國喺處理前加泰隆尼亞政府主席嘅引渡申請果陣,德國法庭一嘢drop咗叛國罪嘅case,只係表示會處理貪污罪嘅case,但西班牙最後係連貪污罪嘅case都唔提,自己drop case,理由好簡單,依家西班牙拘禁喺西班牙嘅加泰隆尼亞政府嘅人,根本係玩ECHR嘅loophole,但德國法庭處理引渡令果陣,最終上訴一定係打到ECHR,德國人個個都知搞獨立係歐洲基本言論自由,係得西班牙至做埋啲唔會歐盟基本價值觀嘅事,所以 梁振英 嘅問題,答案係十分之清楚,港獨絕對係言論自由,但讚揚共產黨就一定唔係。

同樣,工聯會其實根本要被取締,因為工聯會喺1966年-1967年期間喺香港從事恐怖活動,至今仍然未認錯,簡單嚟講,工聯會係一個不折不如嘅恐怖組織,除非工聯會公開承認1966-1967年期間嘅作為係錯誤,並交出有份從事恐怖活動嘅人自首,受香港法院審訊,否則要取締唔係民族黨,係工聯會,邏輯係咁簡單, 梁振英 依家係顛倒黑白。

發表迴響

你的電子郵件位址並不會被公開。 必要欄位標記為 *