德士達太平洋-核電廠-min

德士達太平洋 嘅問題螺絲帽可以玩到核爆

德士達太平洋 提供俾中國高鐵香港段西九站月台嘅鋼筋螺絲帽被揭發有問題,呢件事已經好得人驚,原來喺沙中線搞出一鑊泡嘅人和科技,係 德士達太平洋 前高層,而呢班友喺中國高鐵香港段提供同沙中線一樣咁有問題嘅組件,真係高鐵都可以廢線。但更大鑊係,台山核電廠都係 德士達太平洋,咁就太過嚇人。

德士達太平洋 可以玩到核爆

我相信 德士達太平洋 提供俾中國廣東省,同埋香港嘅組件,都係廣州工廠生產,呢個係好合理安排,無乜理由用泰國生產嘅組件,依家 德士達太平洋 提供俾中國高鐵香港段嘅組件出事,由此推斷,差唔多時間興建嘅台山核電廠第一機組都會用相類組件。台山核電廠比高鐵大鑊係,本來法國製造嘅壓力容器頂蓋組件含碳量太高,未必能抵受一旦出核意外嘅問題,如果 德士達太平洋 啲鋼筋組件根本唔合格嘅,大家想像一旦核爆係有乜結果。

台山核電站用嘅European Pressurised Reactor (EPR) 係一個未經驗證嘅技術,喺芬蘭同法國嘅廠,都一直未過到關,delay完又delay都未可以去到臨界,但中國班友依家走去臨界咗,好快應該進行商業發電,大家想像吓,如果 德士達太平洋 啲組件咁嘅水平,將會有乜嘢災難結果,真係大鑊過福島第一原子力發電所果鑊嘢,福島都係話遇上地震,兼且因地震嘅停電停鬼咗冷卻出事啫,依家係建築組件自己都出事,屆時唔係支爆,係核爆,而且大鑊程度,相信會勁過福島果鋪,根本係不堪設想,我諗起呢樣嘢已經覺得十分之恐怖,真係唔走就奇。

依家正確做法,唔單只要停咗中國高鐵香港段,無限期擱置通車,而且應該立即停咗台山核電廠,請法國核專家做獨立調查,確保建築結構真係安全,至考慮喺歐洲嘅其他EPR核電廠都安全過關情況下重新臨界,並進行商業發電,依家真係草菅人命到一個點。 德士達太平洋 都應該搵人查吓佢地嘅遠東業務出咗乜嘢大問題,同埋林恕如呢班友,究竟同港鐵以至政府有乜關係,依家香港真係黑到一個點,真係乜嘢離奇古怪嘅事都會發生,沒有最黑,只有更黑。

發表迴響

你的電子郵件位址並不會被公開。 必要欄位標記為 *