HSBC-減息-min

HSBC 減定存息:想提供子彈?

喺依家打貨幣戰打到飛沙走石之際, HSBC HK作出奇怪舉動,港幣同人民幣定期存款減息,喺總體利息大勢都係加息果陣, HSBC HK 仲玩減息,傻咗咩,你依家變咗係唔夠穩定資金來源,其實 HSBC HK依家想玩乜?

HSBC 玩緊支爆遊戲

喺正常銀行營運角度,純粹賺息差嘅, HSBC 係唔可以咁樣減定存息,因為會造成息差好少,業務會有危險,但 HSBC 並唔係一間純粹靠賺息差嘅銀行,佢係一間Investment Bank佔相當比重嘅大型銀行集團,如果你係 HSBC 高層,我決策係因應Retail Banking嘅營運,定Investment Banking嘅營運,否則英國政府都唔會要求 HSBC UK Ringfencing,費時Investment Banking啲牙煙動作玩殘小存戶,變相攞啲阿婆阿嬸嘅錢去賭一餐。

簡單嚟講,依家 HSBC HK 咁減定存息,根本係一場大賭博, HSBC HK 係故意用佢嘅大笨象位置,加速香港同中國嘅銀行體系流失,最好啲錢快啲走去英國或其他英聯邦國家嘅HSBC,然後當香港同中國出現大量資金外流果陣,HSBC嘅衍生工具嘅槓桿效應就會發揮作用,真正賺錢喺呢部分,所以其他銀行唔會咁思考問題,但HSBC以及果啲Investment Banking業務龐大嘅銀行,思維方式係唔同。一如傳統德國銀行,好似Commerzbank之類都係保守到爆,但作為德國最大銀行嘅Deutsche Bank係特別勇猛,無他,Deutsche Bank真係賺得錢多係Investment Banking,你估靠我呢啲用個戶口收一百幾十歐羅數嘅Postbank小存戶咩。

所以依家HSBC玩緊係支爆遊戲,好多異常決定會發生,如果你自己睇唔清楚,你就真係堅出事,係死咗都唔知乜事果隻。依家 HSBC 減港幣同人民幣定存,其實我相信都係變相鼓勵你將錢送去HSBC UK好過,畢竟HSBC UK相對嚟講係安全一啲,都係果句,你以為HSBC減息係貨幣戰完咗,你真係睇唔穿銀行其實點賺錢。

發表迴響

你的電子郵件位址並不會被公開。 必要欄位標記為 *