陳本峰-min

維基中文點解咁維護紅芯瀏覽器創辦人 陳本峰 嘅?

陳本峰 呢位前微軟中人,夠膽攞Chrome核心直接當係自己,乜嘢站在巨人肩膊上搞創新,推出乜嘢紅芯瀏覽器,點知係Chrome 49版,大佬,依家Chrome成68版,抄都唔好抄得咁核突。當大家搵緊 陳本峰 乜水果陣,點知維基中文係直接刪咗佢。仲要係依家都住喺德國嘅Admin 陳霆,我真係想知乜嘢事咁。

陳本峰 嘅條目可以編輯,唔係刪咗佢

當然,原裝 陳本峰 嘅條目,係啲人當維基中文係塗鴉天堂嘅問題,成條條目都係一啲無營養嘅謾罵,呢個係陳霆刪文前嘅版本,佢條友唔記得咗,Google Cache依家好強大,果啲啱啱刪咗無幾耐嘅嘢,要喺Google起條屍出嚟,以我嘅技術能力,都仲係可以做得到。

陳本峰 作為新聞上受爭議嘅人物,加上可靠來源理應足夠寫一篇平衡嘅生者傳記,但陳霆嘅選擇係乜,二話不說刪咗佢,甚至有可能阻止有人再編輯,依家點解有人要咁維護 陳本峰 呢個人,陳霆明顯欠一個維基人應有嘅解釋,所以中文維基百科淪為垃圾崗,確係有原因。

呢個 陳本峰 點解要咁護住佢,因為 陳本峰 係中國政府千人計劃引返嚟嘅「人才」,當然當中有不少根本係明目張膽偷美國技術,所以有千人計劃嘅人被捕,好似張以恆,鄭小清都係呢一類仆街,我相信 陳本峰 本來搵佢返嚟,都係睇佢由Microsoft偷到幾多嘢,特別佢聲稱IE 404果部分係佢寫(汗⋯⋯ 404果部分有幾重要咁)。而中國成班蠢才,都唔知瀏覽器係已經開放源碼主導,否則都唔會融兩億五俾 陳本峰 ,點知依家膠咗,仲要膠得咁核突至得。

中國嘅問題出喺邊,就係除咗抄,同偷,同挖人,根本唔識所謂創新嘅真諦,今時今日Microsoft無法喺browser好似以往咁風光,除咗多bug外,仲有,無論Safari(WebKit)、Chrome(Chromium)定係Firefox,都係開放源碼,靠係群策群力,共享技術,你估中國人咩,呢個民族唔反省,好似 陳本峰 呢啲人永遠搵到食,阻止為 陳本峰 立傳,咁又點,第二個 陳本峰 好快就出現。

發表迴響

你的電子郵件位址並不會被公開。 必要欄位標記為 *