人民幣

人民幣 可能比想像中仲快暴跌

圖中呢個牌價,理論上依家未到呢個位,但 人民幣 喺香港時間晚上,即係歐洲下午交易時段,已經向6.95呢個德銀設定關口進發,相信今晚美國收市,或香港開市已經守唔住,換言之,大家可能心理準備,未到八月底,已經支爆到唔清唔楚。

人民幣 因加速走資再跌

大家睇 人民幣 匯價果陣參考一樣嘢,就係金管局果個弱方兌換保證,金管局喺8月15日行使咗呢個保證托市港紙,點解港紙係咁跌至得,基本上,就係沽人民幣換港紙,再由香港匯錢出西方國家,依家有成23億弱方兌換保證用咗,即係依家走錢加快,你依家仲唔沽快啲 人民幣 ,所以依家 人民幣 喺遠超我預計嘅速度崩潰,我相信再咁玩法,九月香港應該出動重大嘅金融動盪,如果你依家一啲準備都無,我對你走唔走甩十分之悲觀。

我本來預計中國至少要托到 人民幣 匯價至中秋假期,因為中秋假期係最後一個可以用肉身走錢嘅窗口,無錯好多人中國國慶旅行,但黨官係唔可以喺中國國慶日期間旅行,而走資都係啲官嘅情況下,人民幣最後洗錢關口係中秋假期亦係呢個原因。但依家係,中國好可能外匯流出渠道太多,但外匯實際流入太少,喺呢個情況下,又遇上土耳其同印尼兩個國家被狙擊,所以用一個比想像中快好多速度退守,即係咁講, 人民幣 好可能喺1兌7呢個關口大決戰,即係圖中果個牌價左右水平,但如果1兌7都失守,咁可能去到中國國慶期間已經一兌一,咁重陽至聖誕期間,香港金融市場同資產市場將會發生乜嘢事,我諗大家都估到乜嘢市,成個投機資產市場泡沫爆破係預咗,係睇個時間快慢,我唔相信香港人可以喺今年過一個經濟好似欣欣向榮嘅聖誕,無搞到好似沙士咁死城一樣已經好彩。

當中國崩潰到呢個程度果陣,大家都估到中國隨時會發癲亂打人,或中國唔同派系傾唔掂數然後打內戰,打內戰呢個可能係存在,由上海民族黨宣言,梁振英等人亂嚟,到人民幣嘅極速崩盤嚟睇,北戴河會議好大機會係傾唔掂數收場,好可能依家各派都儘快安排家眷離開,然後打鑊甘。所以依家叫英國人返嚟,已經係必須,因為呢個涉及安全問題。

One thought on “人民幣 可能比想像中仲快暴跌

  1. 好希望英美聯軍佔領香港和深圳。还原香港或使香港停止赤化。重新租约香港和深圳ㄧ百年给英美。最大願望。

發表迴響

你的電子郵件位址並不會被公開。 必要欄位標記為 *