張曉明-FCC

張德江 張曉明 梁振英 邪惡集團

梁振英條友無喇喇炒熱陳浩天,我都覺得好奇怪,甚至好多西方傳媒都覺得好奇怪,要捧紅個咁嘅人,想點?其實我一直心裡面都猜疑係 張曉明 嘅鬼主意,果然不出所料,終極第二大佬出現,就係 張曉明 同佢後面張德江兩件仆街,呢兩條唔做港獨之父都唔得。

張曉明 張德江 其實想點

對於有少少識見嘅中共高幹,都知依家 張曉明 嘅玩法係會出事收場,特別好多中共高幹,仍然享受緊特區護照嘅旅遊便利,以及香港作為西方世界中共白手套嘅地位,只不過,好似 張德江 張曉明呢啲思想仍然喺北韓金正日時代水平嘅友仔唔係咁睇,佢地兩個認為,必須要扼殺香港嘅言論自由,防止中共真係爆,而就算行極左政策,西方國家都係紙老虎,唔會敢郁香港乜嘢,所以喺支爆發生緊果陣,呢班友反而空群而出,一個個現晒真身,由梁振英,劉兆佳呢啲,全部都係 張曉明 果陣嘅人馬,全部一次過現形,點知林鄭月娥都係唔敢乘勢就基本法23條立法,所以 張曉明 呢個真大佬出場,連基本法23條相關立法都未立,就話FCC違法,仲要係煽動港獨。呢啲咁 張德江 張曉明 式嘅嘢,西方社會點會睇唔到。

所以大家好奇怪,點解英國政府對FCC嘅問題冷處理,一方面英國自己都得個亂字,但另一方面,陳浩天呢條友係真港獨,定係 張曉明 安排嘅演員,相信MI6喺呢方面係心中有數,而陳浩天嘅港獨陳述空泛,以及對英國介入嘅問題有排斥嘅態度,呢個亦係點解好多真獨派反而唔敢同陳浩天行得埋嘅原因,因為有認真思考獨立問題嘅人,反而會充分認識到香港好難好似新加坡咁真係成為一個共和國,並游走於東西方之間,相反,香港命運其實大致上同直布羅陀相類,需要長期喺英國以及歐盟嘅加持之下維持自身安全,以及真正嘅自治同自決。呢個亦係我對果啲自決派咁有懷疑嘅原因嚟。

當然,依家明知 張德江 張曉明 梁振英邪惡集團咁作惡法,大家都知未來香港政局將會急劇惡化,我相信急急尋求西方援手至係正確做法,陳浩天真係做得兩樣嘢,就係清楚提出香港受中國殖民統治,同埋香港人係用BNO護照,係英國人,呢兩個信息傳到西方社會,應係 張曉明 算錯咗嘅地方。

One thought on “張德江 張曉明 梁振英 邪惡集團

發表迴響

你的電子郵件位址並不會被公開。 必要欄位標記為 *