人民幣

人民幣 應該好快同港幣1兌1

當梁振英呢啲垃圾,浪費時間喺民族黨單嘢果陣,班大鱷已經堅做嘢, 人民幣 匯價已經跌穿6.9嘅水位,而且應該好快向兌7呢個水位進發,即係好快會去到100港幣兌90 人民幣 嘅水位,隨時年底就玩1兌1,即係班中國遊客根本唔會,亦無能力買嘢,無論買奶粉定炒樓。

人民幣 邊度嚟嘅購買力?

依家所謂一帶一路沿線國家逐個爆,先嚟土耳其,依家嚟印尼,印尼盾喺出現貿易赤字,以及匯價壓力下要加息,而印尼嘅問題係,佢唔係有馬哈迪、林冠英呢啲高手,馬哈迪同林冠英將馬來西亞債務問題自爆,又拒絕同中國合作,反而美國人唔會郁佢嘅匯價,所以馬華公會同巫統,喺大馬經濟問題上,全部都係賣國賊,亦都係呢個原因。依家國際社會知道大馬堅做嘢,反而唔會點狙擊佢,但印尼呢啲國家臭屎密冚,依家咪被人狙擊到爆。

人民幣 依家係人民銀行唔敢加息留錢,因為中國息口已經好高,同埋一旦加息,中國好多公司都會立即玩完,屆時真係唔支爆都幾難。但依家如果啲錢仲係咁流失嘅話, 人民幣 喺走資潮之下,再加上無賣嘢俾美國嘅外匯收入去支持,應該會好快去到1兌1嘅水平,當然,大家都知道,一旦人民幣同港幣變成1兌1,香港嘅股市、樓市泡沫都會玩完,香港銀行系統嘅大崩潰日子會嚟臨,我估依家香港人好多仲懵盛盛。

仲有一件事,我懷疑中國軍隊有無錢打仗都成問題,就係新疆生產建設兵團第六師行嘅五億債券宣布走數,呢個真係十分之明顯嘅另一支爆訊號,新疆生產建設兵團唔係普通公司,新疆生產建設兵團係怪物嚟,一個軍、政、經集一體嘅殖民怪物,呢舊怪物本來喺中國有唔少特權,而且由於佢位處東突,佢本身亦有好多中央政府財政支持,依家新疆生產建設兵團都走埋數,你覺得中央政府仲有錢,你覺得中國政府仲有錢去打仗,睇怕真係打仗,人人收埋自己舊錢宣布獨立就有份,依家新疆生產建設兵團第六師都走數,睇嚟類似事件陸續有嚟,甚至軍工企業都走數,我堅唔明點解保利集團仲夠膽傾收購德國Steinway鋼琴。我都係果句,依家中國瓦解得超快,超乎我想像。

5 thoughts on “人民幣 應該好快同港幣1兌1

  1. 支持位第一個是6.95,如果跌到的話, 下一個下試位是,7.25,如果都失守會到達1:1. 我常有陰謀論的想法會不會1對1時除消港元?說你用人仔或港元都無所謂啦,反正大家都1對1囉!

發表迴響

你的電子郵件位址並不會被公開。 必要欄位標記為 *