歐洲製造

推廣 歐洲製造 ,抵制中國製造

無論我喺歐洲日常生活,定係我個網店,我都堅持一個原則,唔買中國製造,一嚟安全成疑,另一方面,係必須令 歐洲製造 業可以壯大,工人有飯開,工廠唔會搬到中國或其他獨裁國家,民主至可能踏實得到保障,民主由經濟開始。但原來有啲嘢都唔容易,眉筆同化妝筆係例子。

支持 歐洲製造

喺德國大城市嘅百貨公司,以至化妝品鋪頭,平嘅固然都係中國貨,但貴果啲,係大化妝品牌子嘅嘢,賣成十幾到三十幾歐羅一枝嘅,都係中國製造,大佬,咁樣就好唔妥,唔通真係要返日本,然後喺廣島買熊野筆咩,熊野筆就真係貴到一個點。最後,我搵到德國仲有鋪頭賣德國製造嘅化妝筆,牌子叫Da Vinci,本身除咗做化妝筆、眉筆,仲有用手造嘅油畫筆,做得油畫、水彩果啲筆,都會係手工有番咁上下。呢個係我決定擺埋喺網店賣嘅原因,如果用得起錢,可以買番 歐洲製造 ,呢個係對歐洲工業嘅實質支持,而且可以避免中國企業嘅兼併,因為有啲細廠好容易因為需要資金,而被中國公司食咗就無謂。

至於好多話係德國品質嘅ZOEVA,我就睇過,喺德國賣都係made in China 或 made in PRC ,你覺得佢係歐洲貨就咪玩,無錯,由於歐洲比較嚴厲嘅消費者法律,所以中國貨喺歐洲嘅品質同安全都唔會太離譜,只不過,你當買一件中國貨,代表中國官僚有多啲硬貨幣鎮壓香港同台灣,咁諗到呢點,我就堅持辛苦啲都要賣歐洲原裝貨品,買中國貨,係資敵行為,當然,如果無選擇,被迫買中國貨係無計,但如果有選擇,點解要買中國貨呢?所以我依家賣嘢嘅最高原則係,中國製造嘅嘢我係唔賣,歐洲製造永遠係優先,因為我住喺歐洲,甚至最好係喺鄰近採購,我本身住得好近德國刀具之城Soligen(其實係S-Bahn幾個站到果啲朋友),所以我會喺Soligen採購一啲香港肯定無,或過去香港有,但依家無果啲嘢,例如DOVO果啲舊式刀具,或者一啲歐洲仲用緊嘅理髮剪等。

決定點賣一樣嘢,我覺得都係有啲理念,例如嬰兒用品我會考慮賣,但奶粉就唔好意思,除非一啲好特殊嘅奶粉(一般醫生建議開果啲,香港超難買),否則恕不招待。

發表迴響

你的電子郵件位址並不會被公開。 必要欄位標記為 *