陳浩天-FCC-min

陳浩天 演講搞成咁:不如取締愛字頭先

陳浩天 喺FCC演講,內容無乜特別,不過佢唔駛乜嘢特別內容,因為梁振英呢班友核突友行為,令佢不費吹灰之力喺國際社會面前講明一樣嘢,討論港獨係香港人應有嘅權利,而依家中國不如同國際社會交代吓,會唔會取締愛字頭班仆街先。

陳浩天 演講玩到有人虛報火警乜玩法?

我唔知成日將法律掛喺嘴邊嘅愛字頭義和拳有無常識,但有一樣嘢好清楚,就係虛報火警,濫用消防員嚟阻止 陳浩天 演講絕對係違法,我斷估唔會警方有人彈個柯打俾消防,令人白行一趟,但警方係唔係應該交代吓,邊條友打999亂報火警咁,我十分之有理由相信,係同愛字頭班友有關。如果唔係國際社會check到咁實,迫警方要為FCC 陳浩天 演講會進行保安安排,我有理由相信,愛字頭班友一早衝咗入去打人兼搗亂。所以如果話對公眾安全構成實質威脅嘅,幾時都係愛字頭,而未講到 陳浩天 搞嘅民族黨, 陳浩天 搞嘅民族黨,到依家都只不過係討論階段,但因為你北京班友杯弓蛇影,無錯, 陳浩天 做港獨領袖未必成氣候,但國際社會應該充分認識到,依家中國政府係走緊聯合聲明條數,一如 陳浩天 今日喺演講度所講果樣嘢。

而且愛字頭呢班茂利大鬧中環,加上班天星大媽,令大家諗清楚,係唔係真係要搞香港獨立嚟同呢班友劃清界線,呢個相信係好多香港商界人士諗緊嘅課題,呢班根本係一班唔尊重常規嘅生番嚟,真係無得唔嚟個港中分家去劃清界線。納粹德國同中共唯一一點唔同係,納粹黨攞到政權後,知道衝鋒隊SA係惹嚟麻煩,所以喺長刀之夜鏟除咗SA,換嚟一班更人渣,但睇落無咁粗野嘅黨衛軍,即係SS,但中共對重用類似SA一類嘅粗人係樂此不疲,否則愛字頭唔會啲衍生組織越嚟越多,啲大媽好似癌細胞咁會自己走嚟走去,係趕極都趕唔走果隻。本質上,中共不單同納粹黨一樣殘忍而無人性,而且性質上更粗野,對暴力行為係毫無任何包裝同埋掩飾,所以我唔信政府會取締愛字頭, 陳浩天 演講成功反映一樣嘢,中國仍然係八國聯軍果陣嘅中國,本質完全無變過,亦無進步過,咁香港應唔應該獨立,答案亦好清楚。

發表迴響

你的電子郵件位址並不會被公開。 必要欄位標記為 *