黃金 -min

黃金 點解無升過

雖然依家兵荒馬亂,但 黃金 竟然跌穿每安士1200美金水位,令人感到奇怪,唔通Trump治下嘅美國真係咁勁抽,令大家重建對美金以至美國公共財政嘅信心?我又唔係咁睇,但支爆初段, 黃金 價格不跌反升就唔出奇。

黃金 避險需求未夠大

我們呢啲喺香港嘅人,為求自保,梗係要揸一啲實金喺手,但對於中國走資嘅人,實金係唔方便,因為實物過海關好難,炒紙黃金無意思,相反,依家中國逃避支爆嘅資金,其實比較需要容易帶出帶入嘅現金,所以唔排除有人依家沽金換鈔票, 黃金 無錯係保值,但 黃金 由於重量同體積問題,對現階段嘅中國人並唔方便,所以出現一輪沽金潮,避難嘅流入抵消唔到中國人沽金,以及土耳其、俄國、中國因消耗儲值而喺國際市場拋出嘅 黃金 。所以依家出現 黃金 價格並未相應上升嘅情況,無錯,市場長遠係有需求,但短線因為一啲特殊情況而升唔起,呢個亦都唔會令人感到十分之奇怪嘅一件事。

當然,香港投資 黃金 有一個問題,就係香港好缺乏實金市場,唔知中國人少咗買金,或沽出 黃金 後有無改善,喺歐洲,仍然有相對完整嘅實金同實銀市場,呢個亦都同稅務有關,因為銀行利息,或基金投資增值係要報稅,但實物 黃金 因為無法查得數量,而一日未沽出都難以衡量資產增值評稅,所以喺歐洲,唔少人保值手段係實金亦都有稅務上嘅實務理由,當然,政府亦唔對 黃金 交易作出禁止, 黃金 交易照樣要交VAT就係,所以 黃金 嘅基本需求存唔存在?梗係存在,唔係只得華人至會儲金,喺德國,好多上一代人都會手持實金。

所以如果要吸金,都係果句,同依家係讓領導先走,係一個拋售人民幣嘅黃金時間一樣,依家 黃金 無升仲反跌1200美金一安士水位,可能係呢段風雨飄搖嘅日子可以吸金嘅機會,日後未必再有呢種機會,因為一旦中國人走資完成,就會大量喺海外買番 黃金 ,屆時就可能個市會發晒癲咁走。依家係大風暴來臨嘅前夕,好多嘢都唔會好似正常咁諗法,你當十號風球級數嘅風眼即將登陸香港,就會明依家果種狀態根本唔會維持到太耐嘅時間。

發表迴響

你的電子郵件位址並不會被公開。 必要欄位標記為 *