工銀-土耳其-min

土耳其出事, 工銀 股東有排震

土耳其貨幣跌到hihi,固然歐洲有啲銀行有排驚,好似hi班牙嘅BBVA,荷蘭嘅ING,意大利Unicredit等,如果你打算喺歐洲開戶口,應該避免用呢啲集團嘅銀行。但你覺得香港無事,傻喇, 工銀 股東依家有排驚。

工銀 勇到買咗成間土耳其銀行

首先,唔係話香港銀行只係借咗好少錢俾土耳其,HSBC Bank A.Ş.有成338間分行,如果土耳其出大鑊,HSBC都會炒埋一份,所以HSBC嘅持股人,如果你覺得土耳其唔關你事,果個傻嘅,你連你投資緊啲乜都唔知。

跟住係 工銀 , 工銀 為咗做一帶一路急先鋒,喺2015年買咗Tekstilbank A.Ş返嚟,兼且呢間分行係保留喺土耳其上市,佢係土耳其上市公司嚟,仲有好似好威咁,喺7月借咗36億土耳其幣出嚟搞能源有關嘅嘢,如果你係工銀股東,你覺得你唔駛震?支爆、土爆齊齊爆,仲要 工銀 仲有唔知乜嘢古靈精怪資產同一帶一路有關,我做咗好基本嘅研究,我已經可以得一個結論,土耳其出事, 工銀 同HSBC都可以沽出街唔駛客氣,除非你勇到覺得係無問題。

除咗 工銀 勇到成間土耳其銀行買返嚟,中資銀行股理論上中銀都受波及,因為中銀喺去年開咗分行,又唔知為咗一帶一路借咗幾多錢俾土耳其,當然,講傷嘅話,應該無 工銀 同HSBC咁傷。至於如果馬來西亞等有乜冬瓜豆腐,因為中銀將馬來西亞中銀送咗俾中銀香港,所以係中銀香港嘅客仔同股東要食驚風散,中銀本身暫時未駛食住嘅,不過我估中銀都會喺其他一帶一路成員國出事。

所以香港啲傳媒全部都垃圾嚟,中國無嘢叻,認屎認屁最叻,平日中國啲認屎認屁嘢,雖然打飛機好核突,但你都要記低佢,因為一旦有乜事,你可以由果啲認屎認屁嘢趨吉避凶,好似 工銀 成手土耳其資產,果陣一帶一路打飛機打得咁過癮,依家唔敢提,中文傳媒唔講,即係有人又要讓領導先走,俾著我一早沽走 工銀 離場,有存款就提埋佢添,免得出事連渣都無。所以財經傳媒,最緊要係獨立性,咪係咁解,錢銀有關嘅嘢,係唔應該因政治而唔講某啲嘢。

One thought on “土耳其出事, 工銀 股東有排震

發表迴響

你的電子郵件位址並不會被公開。 必要欄位標記為 *