一街都係葉名琛

在中國清王朝,有位膠人叫葉名琛,做咗湖廣總督,佢條友喺英法聯軍下咗「哀的美敦書」,仍然不降、不走,伸諗住用道教方法擋住英國人(夠膠未?),結果被英國人捉咗去加爾各答動物園展覽,原因係佢太硬膠。連廣東人都寸呢條膠人做「六不總督」,即係不戰不和不守,不死不降不走的源由。

查實葉名琛呢種硬膠成街都係,清王朝有多次改革機會都堅決拒絕,堅決不改變本質,結果漢人反抗情緒積聚到極點都唔知,喺1911年10月10日,一次武漢的拉革命黨行動,結果變咗清王朝一夜被推翻。

如果唔係一街都係葉名琛,革命係不可能產生。而雷曼事件裡面,查實銀行仲有好多時間自己拆咗個炸彈佢,但喺立法會真係考慮引用特權法果陣,至搵公關公司搵專欄作家游說,已經好遲。最膠係搵立法會議員,搵個燈都無嘅地方傾呢個問題,你唔激嬲班立法會議員就假。

類似問題,唔只喺雷曼事件,喺政改問題等等,都係好葉名琛喺條街度走,個個都唔解決問題,結果咪被英法聯軍捉去印度都仲未知死字點寫,仲以為自己係海上蘇武。面對一街都係硬膠嘅形勢,實在令人惆悵。

延伸閱讀:
林忌:董建華風華再現

發表迴響

你的電子郵件位址並不會被公開。 必要欄位標記為 *