幫港出聲-不專業

幫港出聲 被判定為不專業媒體係自己攞嚟

梁粉組織 幫港出聲 想入去FCC陳浩天演講踩場,點知FCC一句車埋嚟,話 幫港出聲 係唔專業媒體,唔俾入場,其實梁粉應該知道,今日搞成咁係自己攞嚟,有時候,玩嘢玩得太盡呢,係會燒番自己轉頭都唔知嘅,呢次係梁振英同周融抵X死。

幫港出聲 依家咪同熱普城同病相憐

黃毓民曾經用MyRadio個朵玩踩場,結果梁振英乘機ban晒啲網媒入場,究竟邊個開唔俾網媒入場先河嘅呢?咪係梁振英,所以 幫港出聲 呢次被人ban咗,係FCC以其人之道還治其人身,對付無底線可言嘅梁粉,只有咁樣至會有效,所以依家 幫港出聲 鬧每一句嘢,都可以用番喺梁振英身上,要鬧,周融自己搵始作俑者梁振英嚟鬧,唔好雙重標準,龍門任搬,呢個世界無一樣嘢叫你贏晒嘅。

而喺西方國家,網媒可以入場嘅前提,其實西方媒體係對專業媒體有一定界定機制,好似我入德國記協咁,唔係好似香港記協咁要推薦人,我呢類自由作者,係自己做咗商業登記(德國做咗商業登記就要報稅,所以無得玩空殻嘢),然後報稅紀錄,跟住至會批出申請,當然呢個同德國有獨有嘅文化人專用醫保制度有關,因為文化人醫保係政府有津貼,呢個亦係德國版權法律特嚴嘅原因,亦係佢成個防衛民主嘅部分。香港點判定果啲媒體係唔係政治工具,咁鬼多網媒根本係政治工具,撩事鬥非,乜嘢派系都濫用網媒玩人格謀殺,FCC點解唔ban得你 幫港出聲 班友,你用HKG報仲好少少,用 幫港出聲 呢個反佔中組織,根本已經係存心挑機,周融仲唔係收咗柯打做仆街嘢?

幫港出聲 被FCC判定為非專業媒體後,大家其實日後已經有權唔俾Press release呢班友,甚至可以連HKG報都封殺埋,如果媒體唔係政治工具,其實唔駛搞到你封我,我封你嘅,只不過,依家人人都當自己手上嘅媒體係私器,唔係公器果陣,你block我,我block你係正常,一如我講明立場新聞嘅人當賊處理一樣, 幫港出聲 班友,應該問吓自己,共產黨喺香港係唔係玩得太多仆街,依家終於backfire到自作自受先至好扮苦主。

發表迴響

你的電子郵件位址並不會被公開。 必要欄位標記為 *