港元

金融風暴前嘅 港元 前景

由於土耳其貨幣係咁被人沽到爆廠,連鎖反應香港股市都跌,其實依家都好似亞洲金融風暴前嘅玩法,表面 港元 係唔會點有事,甚至依家對乜嘢貨幣都抵,但一旦出大事果陣走都走唔切,依家香港人想揸外匯現金,或買嘢平衡風險,依家係最後機會,蘇州過後無艇搭。

港元 依家詭異狀況

依家 港元 買嘢係好抵,今日1EUR係跌破9算,買歐洲車就抵到無倫(包括貨van同小巴),而1英鎊死守10算關口,但由於BREXIT陰影,如果英國唔解決,長遠都係跌,而港元買嘢好抵背景係聯匯,依家美金係強到傻,而人民幣係咁被人質唔駛講,之前托過一輪,依家又返去到6.88水平,其實之前嘅托市,都一如我所講,都係讓領導先走。支爆嘅大勢,其實到依家都無點變。

未來幾個月,香港會進入一個幻境,就係去英國、歐洲、日本買嘢都勁平,所以如果你要揸現金,依家好出手兌換,以策安全,當然順便幫襯小弟買嘢都歡迎,我個shop係以歐元計價。但實際係儲緊彈藥,真係要狙擊嘅大佬係人民幣同 港元 ,依家中國教育股泡沫已經爆,因為呢個係啲人著草走佬第一道門嚟,有能力走嘅人都走晒,梗係唔駛再掟錢入教育產業果度,好可能聖誕前後,中國貿易戰有乜頂唔住,就一嘢自爆,然後成班炒家有機可乘,如果今年香港股民過一個黑色聖誕,我唔會感到意外。

而馬哈迪訪華,要求中國停咗啲垃圾工程,中國我相信唔會肯,但馬哈迪為咗大馬公共財政著想,會停咗佢,並且要求中國交番晒納吉經中國清洗嘅錢,如果南洋果堆工程停晒,中國好多工程公司係走錢走唔到,兼且無水流入,如果香港政府突然喺沙中線,或其他工程上出現古怪嘅付款安排,我唔會意外,因為果啲大白象工程,全部都係貪污溫床兼且係偷錢嘅地方,而馬來西亞偷唔到錢救人民幣,就會偷香港同埋澳門,件事就係會咁簡單。

通常風眼登陸前,天氣都會異常咁乾同無雨,大家以為無事,堅登陸果吓至知乜叫真出事,如果個追過風嘅人都經歷過,依家香港經濟都係咁,做好防風措施係最重要嘅,一場大風暴,應該年底會嚟。

本文圖片來源:https://www.flickr.com/photos/ifl/5871627658,CC by SA 2.0授權

2 thoughts on “金融風暴前嘅 港元 前景

  1. 突然有一個諗法好驚會成真,港元同美元脫鉤,改同人仔掛鉤,香港外匯儲備拱手相讓。
    版主可否估計e個情況發生機會有幾大

發表迴響

你的電子郵件位址並不會被公開。 必要欄位標記為 *