雙重國籍-min

唔再容忍 雙重國籍 :香港01社論係反映習系立場至好

香港01嘅社論,不嬲都亂寫,之前我有鬧過電子煙加熱煙亂寫一通,但香港01喺8月9日嘅社論,提出告別 雙重國籍 ,雖然話美國有州國籍同美國聯邦國籍係亂寫,但香港01社論如果係反映習系立場,隨時BNO平權係得到中方同意都唔奇。

老屈 雙重國籍 根本係混帳

其實最早提出結束老屈BNO 雙重國籍 果個係我,我喺2014年已經咁講,仲要喺《香港經濟日報》咁講,因為無論點都好,BNO都係法理上效忠英國嘅國籍,你硬屈 雙重國籍 都唔會令依家仲持有BNO嘅人效忠中國,咁又何必呢?所以我嘅睇法好簡單,如果香港01嘅倡議係反映習系立場嘅話,咁唔該快啲人大常委會做嘢,利用人大釋法,宣布現有仍然持有有效BNO嘅香港人,都會立即失去中國國籍,不論有否持有特區護照,如果因此失去中國國籍嘅人,要攞番中國國籍,就只能夠做特快歸化,但要必須宣誓效忠中國,同埋喺寬限期內完成退出英國國籍嘅手續,咁樣就可以解決好多問題。無持有有效BNO,佢地都要出示文件證明佢地完成退出英國國籍程序,至可以攞番特區護照。當然,我呢個提議,本身有我嘅考慮,但當中嘅技術細節,我只會稍後喺會員版講,免費又有熱普城、澳門嚟用VPN嘅仆街喺度想偷料嘞。

香港01果一系列香港公民倡議,睇嚟係習系嘅諗法,如果習系係誠心解決BNO問題,並且最終推動到BNO平權,我係唔介意只係就呢個議題,同習系相關人等交流,都係果句,我立場係十分之簡單,就係香港人應該有選擇國籍嘅權利,唔想做中國人嘅,就應該俾佢唔做中國人,好想做中國人嘅,佢唔迫人做中國人嘅話,我都唔反對佢走去做中國人,佢自己承擔番應有後果就得。呢個係南洋華人一直以嚟嘅清晰睇法,係香港啲土共一直都混淆視聽,無人認真留意過我講嘅立場同邏輯喺邊。

如果中國主動結束BNO 雙重國籍 混帳局面,同埋俾因BN(HK)A 1990嘅人承認佢地嘅英國國籍,並立即踢走佢地嘅中國國籍,其實香港國籍問題就會大致上合理化咗好多,只不過,習近平真係會做嗎?我好懷疑。

2 thoughts on “唔再容忍 雙重國籍 :香港01社論係反映習系立場至好

  1. 「建立公民制度並非排外思想,而是為了重新釐定與區分「公民」與「居民」各自的權利與義務。」

    依家情況係本身唔親共的永久性居民已經失去權利,仲講乜鳩「重新釐定與區分「公民」與「居民」各自的權利與義務」?

    搞咁多野最後會係:

    1。親共香港公民有完整公民權
    2。反共香港公民被剝奪參選權,實質其實係香港2等公民

  2. HK01垃圾,不好忘記,習公主是什麼國籍?她是否雙重國籍?大量的貪官又是否雙重國籍,而且你點去查?人地是否雙重國籍?他們不報出來你如何去查?我贊成,要D港姦澳姦回歸中國的大家庭不好做兩頭草食兩面.

發表迴響

你的電子郵件位址並不會被公開。 必要欄位標記為 *